Aminetu Haidar eta Mina Baali aktibista sahararrak aurki Donostian

Datorren uztailaren 12an, San Telmo Museoan, arratsaldeko 19:00etan

2020ko irailean, Marokoko Okupazioaren Aurkako Saharar Instantzia (ISACOM) eratu zen. Erakunde hori giza eskubideen defendatzaileek osatzen dute (horietako asko borroka eta erresistentzia-ibilbide ezaguna dutenak), eta Aminatou Haidar aktibista da presidentea. ISACOM sortu zenean, Fronte Polisarioaren eta Marokoren arteko gatazka armatuari berriro ekitearekin batera, 2020ko azaroan, ekintzaile sahararren aurka egindako errepresioa larriagotu egin zen, bereziki erakunde horretako kideen aurka.

HEGOA Institutuaren laguntzarekin Mendebaldeko Sahara okupatutako biztanleria zibil sahararraren aurka egindako urraketa larriak monitorizatzeko egin duen lanaren zati gisa, ISACOMeko talde bat, Aminatou Haidarren koordinaziopean, txosten espezifiko bat prestatu du giza eskubideen defendatzaileen eskubide zibil eta politikoen urraketari buruz, 2020ko irailetik (ISACOM sorrera) 2022ko abendura bitarteko kasuak dokumentatuz.

Uztailaren 12an, 19:00etan egingo den aurkezpen-jardunaldi honetan Aminetu Haidar eta Mina Baali ekintzaileak izango ditugu solaskide eta Fatimetu Zenan aurkezle.

Gaztelaniaz izango da eta sarrera librea izango da aretoa bete arte.

Informazio gehiago: https://labur.eus/e5cih

Ekintza hau Euskal Fondoak antolatu du, Donostiako udaleko lankidetza bulegoaren laguntzarekin