6ºC
Post
Aurkezpena
ASELF elkarteak antolaturiko Suhiltzaileen III. Kongresu Nazionala Donostian elkartu zen, 1963ko maiatzaren 20tik 23ra, hiria erre eta suntsitu izanaren 150. urteurrenean.
300 bat kongresista izan ziren, eta, beste jarduera batzuen artean antolatu zituzten zenbait larrialdi simulakro, material eta ekipamenduen erakusketak eta suhiltzaile ibilgailuen desfile bat, erdigunetik.
Biltzarraren berri zabal eskaini zuten TVEk eta NODOk. Easo kaleko 43ko Suhiltzaileen Egoitzako artxiboan gordetako karpeta uztaidun batean —Suhiltzaileen Egoitza berrira eramanda— zenbait dokumentu daude jasota, kongresua antolatzearekin eta gauzatzearekin zerikusia zutenak.
Puntu honetatik aurrera dokumentu guztiak originalak dira, eta gazteleraz daude
Izen emateen erregistro korrelatiboa
Herrien araberako izen emateen erregistroa
Izen emateen zerrenda eta izena emateko orriak
- Kongresisten zerrenda, herrien arabera antolatuak, kargua eta matrikula adierazita
- Senideen zenbakizko zerrenda, herrien arabera antolatuak, zein kongresistari dagoen lotuta adierazita
- Kongresisten zerrenda, herrien arabera antolatuak, kargua eta helbidea adierazita
- Atzerriko partaideen zerrenda, nazioen arabera antolatua, izena eta kargua aipatuta
- Hainbat hiriburutara izena emateko bidalitako txartelen zerrenda, guztira, 488
- “Oharra”, seguru asko, Suhiltzaileen Etxeko iragarki oholerako, kongresuan parte hartzeko epe eta baldintzak zehaztuta
- Wagons-Lits agentziak kongresurako egindako inprimaki eredu berezia, biltzarrerako ostatua erreserbatzekoa, idatzi gabea
- Izen emateko 231 inprimaki, alde bietatik idatziak, alde batetik makinaz beteak, eskuz idatzitako oharrekin eta errubrikarekin, 31,5 x 21,5 tamainakoak, sepia-artxibo kolorekoak. Dokumentu indizeaDokumentua (42 MB)
Ohorezko gonbitak: zerrenda eta izena emateko orriak
- Atzerria bidalitako gonbiten zerrenda, Asociación de Lucha contra el Fuego ASELF elkartearen idazpurua duen orrian
- Ohorezko 30 gonbidatu atzerritarren eta 3 espainiarren zerrenda izenduna
- Parte hartuko dutela adierazi dutenen zerrenda, Asociación de Lucha contra el Fuego ASELF elkartearen idazpurua duen orrian
- Hotelen eta haietako bakoitzean zein partaide dagoen jasotzeko zerrenda
- Izena emateko 25 inprimaki, alde bikoak, beteak, haietako batzuek bi gonbidaturen (senide) datuak dituztela, ordenatu gabe, eta bi izen-emate gehiago, orri zurietan
Onartutako gonbitak
- Maiatzaren 23ko ekitaldi batera (zehaztu gabe) gonbidaturikoen zerrenda
- Jatorrizko 44 gutun, hainbat tamainatakoak (orri laurdena, folioa…), eskuz nahiz makinaz idatziak, 9 alde bietatik idatzirako 2 orritan eta gainerakoak alde bakarretik idatziak, gehienak Kongresuaren idazkari J.M. Lumbreras jaunari eta alkate Nicolas Lasarte jaunari bidaliak, ekitaldian parte hartuko zutela adierazteko. Dokumentu indizea|| Dokumentua
Onartu gabeko gonbitak
- Jatorrizko 16 gutun, hainbat tamainatakoak (orri laurdena, folioa…), eskuz nahiz makinaz idatziak, 1 bi aldeetatik idatzia eta gainerakoak alde bakarretik, gehienak Kongresuaren idazkari J.M. Lumbreras jaunari eta alkate Nicolas Lasarte jaunari bidaliak, ekitaldian parte hartu ezina adierazteko. Dokumentu indizea || Dokumentua
Gutunak eta txantiloiak
- Gutunak: Jatorrizko 88 dokumentu Dokumentu indizea|| Dkumentua
- Txantiloiak: Hamar gutun proposamen edo zirriborro, zenbait pertsona ospetsuk edo agintarik sinatzeko prestatuak Dokumentu indizea|| Dokumentua