Proiektuaren helburu nagusia Donostiako ikastetxeetako irakasle eta ikasleak prestatu eta sentsibilizatzea da, giza eskubideen, bakearen eta elkarbizitzaren inguruan, ikuspegi lokal-globala erantsiz kontzeptu horiei.

 

Metodologia hezitzaile eta parte-hartzaileetan oinarrituta ‒adibidez, unitate didaktiko bat sortzea, sustapen-kartelei buruzko ikastetxe arteko lehiaketa bat egitea, antzerki-forum bat antolatzea, e.a.‒, ikastetxeetako irakasle eta ikasleek giza eskubideak, bakea eta elkarbizitza bezalako kontzeptuak ezagutu, landu eta barneratzea nahi dugu.

 

Sortutako materiala Donostiako gainerako ikastetxeetara zabalduz sozializatzea ere bada proiektuaren funtsezko osagaia, proba pilotu moduko ekimen horren bidez lortu nahi baitugu Donostiako ikastetxe gehienetan kontzeptu horiek lantzea.

 

Irakasleen izaera biderkatzaileari esker, pertsona askok ezagutuko dituzte kontzeptu horiek.