Kudeaketa integrala eta parte hartzailearen programa sortu da Alde Zaharrean, tresna gisa, alde batetik, hainbat biztanleria maila eta erakunde (sozialak, elkarteak, erakundeak, etab.) elkartzeko eta adosteko plataforma izateko, eta, bestetik, proiektu eta ekimen desberdinetarako esparru operatibo bat ezartzeko.
Plan horren barruan, oraingoz partzialki ekingo zaie jarduketei, hala nola, ekipamendu plana, Bretxa eta bere ingurua, zuntzaren hedapena, eta plan berezi berriaren idazketa.

Bretxa Berriaren eraikineko eta eremuko esku-hartzearen helburua merkatu tradizionalaren baldintzak hobetzea eta asentadoreak kaleko oinplanoan kokatzea da. Horrek jarduketa integrala eskatzen du, Bretxa eraikina, Arrandegi eraikina eta bien arteko plazaren antolamendua eraldatuko duena.
Eraldaketa honetan, Osakidetzarako osasun zentro berria eta Alde Zaharreko kirol gune estali berria proiektatu dira.

Amara auzoan dagoen trenbide geltokiaren erabilera amaitu ostean, Euskal Trenbide Sareak (ETSk) gune horretan hiri espazio berria sortzeko asmoa du.

Cristina Iglesias eskultoreak Itsasargiaren Etxearen barrualdea eraldatzen duen lan bat egin du, zaharberrituz eta eskultura ingurune ikusgarri bihurtuz.

Estratu geologiko urtuek eta uraren sekuentziek denbora sakoneko esperientzia batera eramaten dute bisitaria. Hiritik hain gertu dagoen Uharteko natura basatian eta euskal kostaldeko geologia bikainean oinarrituta Cristina Iglesiasek, bere lengoaia eskultorikotik, hiriaren barruan urrutiko leku bat eraldatzen du, kausa ekologikoen defentsaren eta ingurumenaren kontserbazioaren sinbolo bihurtuz. Hustutako Itsasargiaren Etxearen barruan induskatuta, Iglesiasen lanak euskal kostaldeko geologia eta ekologia berezia eta uhartea inguratzen duten ozeanoko uren kemena biltzen ditu.

Uhartera itsasontziz iristea eta itsasargira doazen bidezidorretatik arrokak eta olatuak ikustea funtsezkoa da Iglesiasentzat eta leku paregabe honetan bere eskulturaren ideiarentzat.

Cristina Iglesiasen esku-hartzeak bere obran beti presente dagoen ideia gogorarazten du artea babesleku eta topaleku izatea.

Kontxako pasealekuko trafikoa lurperatu eta handitzeko azterlana

Morlanseko sarreraren inguruko urbanizazioa egokitzea, Morlans – Aieteko igogailua amaitu ondoren.

Ingurune hori eraldatu, lorategiak, plazak, espazio libreak, ekipamendu komunitarioak eta hirugarren sektorekoak, igogailuak eta eskailera mekanikoak, oinezkoen mugikortasuna errazteko eta bide-konexio berriak, baita garajeak eta etxebizitzak eraikitzea ere San Bartolomen.

Talentua hirira erakartzeko hainbat estrategia sustatzen ari da Udala. Horrela, Talent House proiektuak, 2011n inauguratua, arrakasta handiz bete du Donostian teknologia-, ikerketa- eta akademia-zentroetan lan egin duten ikertzaile askoren iritsiera eta aldi baterako ostatua.

Nazioarteko talentua erakartzeko estrategiari lotutako eskaera horri erantzuteko eta hiriaren estrategia hori beste kolektibo batzuetara zabaltzeko (nazioarteko ekintzaileak, tokiko enpresa ekosisteman interesa duten kualifikazio- eta esperientzia-maila handiko profesionalak, junior ikertzaileak edo diziplina anitzeko profilak, gure hiriaren aukeren eta proiekzioaren preskriptore eta dibulgatzaile gisa jardun dezaketenak), aldi baterako ostatu zerbitzua zabaltzea planteatzen da Talent II izeneko apartamentuetara.

Testuinguru horretan,  Donostian espazio bat sortzea sustatzen du Udalak, hiriko proiektu berritzaileetan parte hartzen duten zientzia- eta enpresa-arloko profesionalentzat eta  proiektu berritzaile berriak garatuko dituzten ekintzaileentzat.

Hiriko kaleak eta bide-sarea abiadura-muga berrietara egokitzea, 2020ko azaroaren 10eko 970/2020 Errege Dekretuan oinarrituta eta San Martin eta Zubieta kaleen zirkulazio-zentzuen aldaketa, Donostiako Hiri Mugikortasun Jasangarri Plan (HMJP) berriaren lehen mugarri gisa.
Ekimen honen helburua oinezkoen, txirrindularien eta garraio publikoa erabiltzen duten herritarren mugikortasuna hobetzea da eta mugikortasun eskema aldatzea datozen urteetan.

Udalaren beheko solairua Donostia Turismoaren egoitza gisa egokitzea eta obrak egitea,  zerbitzu integrala eskaintzeko kalitatezko zerbitzua bermatuko duten instalazioetan, Turismoaren Plan Estrategikoan jasotako erronkekin bat datorrena, bai erabiltzaileentzat, bai langileentzat.