Lurraldearen eta Kulturen defendatzaileak. 2018 2018

Lurraldearen eta kulturen defendatzaileak: topaketa, komunikazio, gogoeta eta trukerako espazioak josiz, ikuspegi feministatik.

Ama lurraren eskubideak modu larrian urratzen dira, eta horrek, era berean, giza eskubideak eta emakumeenak murrizten ditu. Horren aurrean sortu da proiektu hau eraikitzeko proposamena, pertsonak sentsibilizatzeko, zenbait kasu salatzeko, arazoak aztertzeko eta herriek lurra defendatzeko egiten dituzten borrokak eztabaidatzeko.

Horretarako, sentsibilizatzeko, ezagutza sortzeko eta kontzientzia kritikoko prozesua eramango da aurrera, Chiapas-en guztien ondasunak, lurra eta lurraldea defendatzen dituzten emakumeen egoerari buruz. Hori gauzatzeko, tresnak emango dira, kontzientzia hartzeko, partaidetza aktiborako, sareak sortu eta indartzeko eta gizarte eraldaketarako prozesuan aurrera egiteko feminismoaren, justiziaren, indarkeriarik gabeko erresistentziaren eta solidaritatearen ikuspegitik.