Txomineneako etxebizitzetarako baremazio prozesuaren behin betiko zerrendak

Donostiako Udalak, Donostiako Etxegintzaren bidez,  Txomin Eneako alokairu-erregimeneko babes ofizialeko 162 etxebizitzak esleitzeko behin betiko zerrendak onartu ditu.      

Eskatzaile guztiek kontsultatu ahal izango dute behin betiko zerrenda Udalaren webgunean, eskatzailearen NANa edo AIZa sartuta.      
Arazorik izanez gero, jarri harremanetan Etxegintzarekin (943 48 17 65/943 48 11 94).

   

Babes ofizialeko 162 etxebizitzetatik honela banatuko dira: Gutxi gorabehera, % 40 kupo orokorrerako izango dira, eta gainerakoak, berriz, ezarritako zortzi kupoetarako:      

Kupoa	zenb
1 Mugikortasun murriztua	8
2 Genero-indarkeria	8
3 Adimen-desgaitasuna	5
4 Pentsiodunak	14
5 Emantzipazioa	16
6 Familia ugaria	19
7 Guraso bakarrekoa	16
8 Etxebizitza partekatua	9
9 Orokorra	62
10 Gizarte-arretako lagapenak	5

Behin behineko zerrendak argitaratu ondoren, Donostiako Etxegintzak aurrez aurreko mila hitzordu baino gehiago kudeatu ditu San Martzial kaleko bulegoetan. Eta ekainaren hasieran alegazioak aurkezteko epea hasi zenetik, 539 alegazio jaso ditu Donostiako Etxegintzak.    

Nekane Arzallus Hirigintza zinegotziak adierazi duenez, "Behin prozesua amaituta eta behin betiko zerrendak onartuta, saila etxebizitza bakoitza esleitzeko lanean ari da, udazken hasieran entregatu ahal izateko". Halaber, gogorarazi duenez, "Urtero txandakatzen dira etxebizitzak eta bizitokiak. Hutsik geratzen direnak ere zerrenda honen bidez esleituko dira ".