Elkarteentzako ikastaro berrietan izena emateko epea ireki da

Argazki eta bideoen edizioa mugikorrarekin, interskzionalitatea, barne komunikazioa eta kontabilitatea besteak beste

Irabazi asmorik gabeko elkarteetako kideek Herritarren Partaidetza Zerbitzuak antolatutako urteko lehen ikastaroetan izena emateko epea ireki da.

Doako ikastaro hauen helburua Donostiako elkarte-sarea indartzea da, eta saioak elkarteentzat baliagarriak izan daitezela, bai erakundeen kudeaketarekin lotutako alderdietan, bai haien proiektu eta ekimenen garapenean. Ikastaro horiek pH Gunea-ren baitan kokatzen dira, Donostiako partaidetzaren kualitatea hobetzeko bideak proposatzen dituen proiektua.

Hauek dira antolatutako ikastaroak

GURE BARNE KOMUNIKAZIOA HOBETUZ: Haragoren eskutik GAZTELERAZ Datak: Martxoak 19 y 26 Iraupena: 4 ordu, 18:00-20:00

Egiten dugun lanaren arrakastaren zati handi bat gure elkarrizketen kalitatearekin lotuta dago: gauzak elkarri nola esaten dizkiogun, isiluneak gainditzea eta hitz egiten ez ditugun gaiei heltzea... eta abar. Prestakuntza honetan, elkarteetan barne-komunikazio ona izateak duen garrantziaz jabetzeaz gain, eraginkorragoak eta arrakastatsuagoak izateko gakoak landuko ditugu. Elkarrizketarako eta feedbacka eman eta jasotzeko gaitasuna garatzea inbertsio ona da elkarteetako tentsioak eta gatazkak prebenitzeko eta murrizteko eta, horrela, erakundeen osasuna hobetzeko. Prestakuntza horretan, parte-hartzaile bakoitzak bere harreman-etiloa ezagutzeko aukera izango du, Bridge ereduan oinarrituta, eta txosten pertsonalizatu bat izango du, egunerokoan erabiltzeko laguntza gisa.

BIDEOAK MUGIKORRAREKIN EDITATZEN Capcut TaPunturen eskutik EUSKARAZ Martxoak 31-Apirilak 7 Iraupena: 4 ordu, 18:00-20:00

Bideoen bidez elkarteen berri eman edo ekintzak zabaltzeko aukerak anitzak dira. Saio honetan bideogintzako joera nagusiak eta bideo biralen egitura aztertuko da. Capcut aplikazioarekin bideoak mugikorrarekin atera eta oinarrizko edizio gakoak eskainiko dira.

INTERSEKZIONALITATEA Errotiken eskutik GAZTELERAZ Datak: Apirilak 2 eta 9 Iraupena: 4 ordu, 18:00-20:00

Ikastaro honen bidez hausnarketarako gune bat ireki nahi dugu ikuspegi intersekzionala hizpide hartuta eta elkartegintzaren eremuan ezartzeko aukerei buruz. Kontzeptuak eta oinarri teorikoak azalduko dira, eta desberdintasunak eta askotariko elkarguneak aztertu (sexu-orientazioa, genero-identitatea, desgaitasuna, jatorria, adina, maila ekonomikoa...). Ikuspegi hori aplikatzeko tresnak eta estrategiak ere partekatuko dira.

ELKARTEEN OINARRIZKO KONTABILITATE KUDEAKETA Impact Hub-en eskutik GAZTELERAZ Datak: Apirilak 3 eta 10 Iraupena: 4 ordu, 18:00-20:00

Kontabilitate- eta eragiketa-kontzeptu oinarrizkoak azalduko dira, elkarte bakoitzaren jardueraren araberako kontuak eramateko aukera ezberdinak aztertuko dira, kontabilitate-irizpideak zein izan daitezkeen, kontuan hartu beharreko zerga-alderdiak, gastuen eta diru-sarreren periodifikazioa... eta, kasu praktiko baten bidez, irabazi-asmorik gabeko elkarteen kontabilitate-kudeaketa arrunta landuko da.

IZEN EMATEA

Ikastaroen ezaugarri orokorrak

• Saio guztiak Udaletxeko eraikinean izango dira (Ijentea kalea, 1)
• Ikastaroek edukiera mugatua izan dezakete. Izen-ematea egin den ordena errespetatuko da. Elkarte beretik pertsona batek baino gehiagok parte hartu ahal izango du, baina edukiera betez gero, elkarte ezberdinetako jendearen parte hartzea lehenetsiko da.
• Ikastaroren batean izen-emate nahikorik jasoko ez balitz, bertan behera gelditu liteke.
  
• AURREKO URTEETAN ESKEINITAKO FORMAZIOEN MATERIALAK ESKURAGARRI