2024an Kirol Txartelaren abonatuen errekor berria

Erakundearen memoriak Donostiako kirolaren garrantzia eta ikastaro eta jardueretan parte hartzearen hazkundea nabarmentzen ditu

Donostia Kirolak 2024. urteari buruzko bere memoria aurkeztu du. Bertan, Donostiako kirolaren hainbat alorretan izandako errekorrak jasotzen dira. Emandako emaitzek berretsi dute kirolak gizarte donostiarraren eguneroko bizitzan duen garrantzia, eta finkatu egiten du ongizatearen eta kohesio sozialaren oinarri gisa duen eginkizuna.

Donostia Kirola 2024ko memoria

Abonatuen errekor berria

Mugarririk esanguratsuenetako bat Kirol Txartelaren hazkundea izan da, hirian kirol praktika sustatzeko tresna nagusia. Lehenengo aldiz bere historian, 57.000 abonatu baino gehiago izan ditu, beste erakundeek kudeatutako udal instalazioetan egindako izen-emateei esker.

Donostia Kirolak antolatutako ikastaro eta jardueretan parte hartzeak ere goranzko joerari eutsi dio. 2024an 38.500 inskripzio erregistratu dira, ohiko kanpainen eskaerak gora egin duelako eta kirol programa berriak sartu direlako.

Kirol instalazioen errekor berria

Udal kirol instalazioen erabilerak ere zifra errekorrak lortu ditu, 3.740.000 erabiltzailerekin, hau da, %7ko igoera 2023rekin alderatua, eta %143koa 2021arekin alderatua. Bereziki nabarmengarria da gazteen eta 65 urtetik gorakoen artean erabilerak izan duen hazkundea. Alde horretatik, Paco Yoldi kiroldegia da oraindik ere erabiliena.

Kirol instalazioen arloan, 2024an inbertsio handiak egin dira instalazio berriak hobetzeko eta eraikitzeko. Horien artean, nabarmengarriak dira Anoetako Kirol Hirian egindako ekintzak, udal pilotalekuak eta hiri kiroletako pista berriak.

Iñaki Gabarain Kiroletako eta Bizitza Osasuntsurako zinegotziaren ustez, "aurten ere, Donostiak kirolaren hiri gisa duen eginkizuna erakusten du, ez bakarrik aire zabaleko edo kirol-esparruetako instalazioak erabiltzean, baita erakundeak antolatzen dituen ikastaro eta kirol-jarduera guztietan gero eta parte-hartze handiagoa izatean ere, baita hainbat diziplinatako emakumezkoen eta gizonezkoen kluben mailan ere. Pozik gaude 2024ko balantzearekin, Donostian kirola sendotu eta hazi den urtearekin, hirian osasunaren, ongizatearen eta gizarte-kohesioaren eragile gisa duen eginkizuna indartuz. "

Erlazionatutako dokumentuak

• 2024an Kirol Txartelaren abonatuen errekor berria.pdf