Merkataritza eta artea, batera Gros auzoan

Colectiva Kalea ekimenak, kaleko emanaldi eta ikuskizunekin, merkataritzaren, musikaren, artearen eta kulturaren artean sinergiak bilatzen ditu

Donostiako merkataritzak eta bertako artistek bat egin dute Gros auzoan dinamizazio jarduera bat sortzeko. Kaleko emanaldi eta ikuskizunei esker, musikaren, artearen eta kulturaren arteko sinergiak bilatzen dituzte.

Lankidetza publiko-pribatuko proiektu pilotu bat da, eta, lehenik eta behin, Gros auzoko Kale Berriaren eta Kolon pasealekuaren artean garatuko da. Donostiako tokiko artistak eta sortzaileak beren proposamenak garatu ahal izateko laguntza behar dute. Bestalde, tokiko merkataritza auzoak eta kaleak girotzen eta dinamizatzen ahalegintzen ari da beti. Batasun horretatik sinergiak sortuko dituzten proiektuak garatzeko eta sortzeko beharra sortu da.

Egitaraua

Jardueren agenda honako hau izango da:

• Larunbata, urriak 15 [19:00h] GHAU · GAARTXOT UNSAIN + OSA MUJIKA
• Larunbata abenduak 17 [Egun osoa] MERCADO DE NAVIDAD· MINER/ AZALA/ ARTEUPARTE
• Larunbata otsailak 11 [19:00h] MARÍA BERASARTE · JAIME DE LOS RÍOS
• Larunbata apirilak 29 [19:00h] KATAK · ARTISTA GRAFIKO GONBIDATUA

Marisol Garmendia Donostiako Udaleko Ekonomia eta Merkataritza Bultzatzeko zinegotziak adierazi duenez, "oso positiboak dira merkataritza, artea eta tokiko kultura auzo-ingurune batera hurbiltzeko dinamika horiek, hiriko beste eremu batzuetarako erreferente izan baitaitezke. Kalea dinamizatu nahi dugu, bizitasunez bete ekintza artistikoen bidez, eta Merkataritza auzoko bizitzaren eragile nabarmena dela erakutsi. Donostiarrok hurbilen dugun merkataritza biziki estimatu behar dugu, gizarte eta auzo harremanak egituratzen dituena eta hiriaren garapenean garrantzi handia duena baita”.

Erlazionatutako dokumentuak

• Merkataritza eta artea batera Gros auzoan.pdf