Hiriko lorategietatik erretiratutako milaka erraboil eta landare loredun herritarren artean banatuko dira aste honetako hiru egunetan:
Asteazkena 18: Ramon Labaien plazan
Osteguna 19: Ondarreta pasealekuan
Ostirala 20: Pio XII.aren plazan
Hiru egunetan, 10:30ean hasiko dira landareak banatzen, agortzen diren arte.
Zehazki 20.000 erraboil inguru banatuko dira, tulipenak, hiazintoenak eta nartzisoenak. Azken horiek, ez dira Frantzia pasealekuko nartziso ospetsuak, beste leku batzuetakoak baizik; Frantzia pasealekukoak berriki moztu egin badituzte ere, erraboilek hor jarraitzen dute, datorren urtean berriz hazi daitezen.
Era berean, 35.000 bat landare loredun banatuko dituzte: hilerri-liliak, udaberri-loreak eta ahuntz-prakak, nagusiki.