Herrerako geralekuaren oinezkoentzako tunela itxita

Trenbide Azpiegituren Administratzailea (ADIF) egiten ari den Herrerako geltokiko sarbideak eraberritu eta hobetzeko lanek aldaketak eragingo dituzte oinezkoen mugikortasunean ostegunetik aurrera (martxoak 25).

Egun horretatik aurrera, geltokiaren azpiko oinezkoen tunela itxita egongo da 12 hilabetez, gutxi gorabehera, eta aldi horretan, oinezkoentzako ordezko ibilbidea Larrerdi eta San Luis Gonzaga plazen ondoan dauden igogailu eta hiri-eskailera publikoetatik igaroko den ibilbidea izango da.

Lan horiek amaitu ondoren, tunela berriz irekiko da eta egungoa baino pixka bat laburragoa izango da.