Bandera igoera eta jaitsierarako zozketan izena emateko epea hasi da

 
San Sebastian egunean Konstituzio Plazako udal eraikinaren lehen solairuko balkoiak irekiko dira 50 donostiarrek (25 egun bakoitzeko eta bakoitzak lagun bat gonbidatu ahal izango du) banderaren igoera eta jaitsiera bertatik ikusi ahal izateko.  

Lehengo urteetan egin izan den bezala, 50 donostiar horiek – hain zuzen ere, bi ekitaldi horiek beste lagun batekin bertatik ikusteko aukera izango duten donostiar horiek – zozketa publiko baten bidez erabakiko dira. Eta zozketa urtarrilaren 8an, asteazkenean, 18:00etan, udaletxeko Udalbatza aretoan egingo da. Honetan parte hartzeko izen-emate epea abenduaren 20an, ostirala, hasiko da.  

Horretarako, interesa duten donostiarrek izena eman ahalko dute Udalinfon (bai bulegoetan, bai 010 telefono zenbakian) eta Donostiako Udalaren web atarian www.donostia.eus (Hemen erabili behar den tramitea) urtarrilaren 3ra arte.  

Zozketarako baldintzak

 
Zozketan parte hartzeko baldintzak segidakoak dira:  

• adinez nagusi izatea    
• eta Donostian erroldatuta egotea.

Gainera, sarituek ezingo dute igoera eta jaitsieraren artean aukeratu, baizik eta, zozketan ateratzen diren lehendabiziko 25 zenbakiek banderaren igoera ikusiko dute – bakoitzak 16 urte baino gehiagoko lagun bat gonbidatu ahal izango du – eta gainerakoek banderaren jaitsiera.  

Zozketan sarituak suertatzen direnek urtarrilaren 14tik aurrera jasoko dituzte gonbidapenak. Eta gonbidapena jasotzeko NAN-a eskatuko da.  

Haur danborrada

 
Era berean, 18 donostiarrek – 36 guztira, izan ere, bakoitzak lagun bat gonbidatu ahal izango du eta kasu honetan ez dago gutxieneko adinik – urtarrilaren 20ko haur danborrada udaletxearen balkoitik ikusi ahal izango dute. (Hemen erabili behar den tramitea)    

Baldintzak (adinez nagusi izatea eta Donostian erroldatuta egotea) eta zozketan parte hartzeko izena emateko epea (abenduaren 20tik urtarrilaren 3rarte) banderaren igoera eta jaitsiera ekitaldietarako berdinak dira, eta zozketa ere egun berean egingo da (urtarrilaren 8an Udalbatza aretoan).