Amaitu da Belodromoko estalkiaren eraberritze integrala

Obrak 1.188.000 euroko inbertsioa behar izan du

Aste honetan amaitu dira Antonio Elorza Belodromoaren estalkian egiten ari ziren lanak.

Obrek, 4 hilabete eta erdiko iraupena izan dituzte eta estalkian zeuden PVC xaflen bi geruzak kendu eta TPO izeneko geruza iragazgaitza jarri dute, 20 urteko bermearekin. Geruza horren azpian 6 cm-ko isolatzaile termiko bat instalatu da ere.

Lanak 1.188.000 euroko inbertsioa suposatu du eta Gipuzkoako Foru Aldundiaren ekarpena izan du.

Ohiko jarduera, salbuespen puntualekin

Obraren konplexutasun teknikoaz gain, 14.000 m2-ko azalerarekin, instalazioaren ohiko kirol jarduera ez da eten, salbuespen puntual batzuekin, eguraldi txarraren eta obraren fase zailenen ondorioz.

Horren harira, atletismo eta txirrindularitza federazioekin jarduera protokolo bat adostu zen, obra hauen entrenamendu eta lehiaketa ohikoekin bateragarri egiteko, nahiz eta lanen lehenengo hilabeteek eragina izan zuten txirrindularitza jardueretan. Aldiz, Gipuzkoako eta Euskadiko atletismo txapelketak, epe honetan ohikoak direnak, arazorik gabe burutu dira.

Obra, Anoetako Kirol Hiriko instalazioak hobetzeko jarduera nagusietako bat izan da. Donostia Kirolaren helburu estrategikoa da eta hilabete gutxi barru Miniestadioa berritzeko lanak jarraituko dio, besteak beste.

Kiroletako eta Bizitza Osasungarriko zinegotzi Iñaki Gabarainek aipatu duenez 'anbizio handiko proiektu bat izan da, eraberritze integralerako, ur-iragazketak desagerraraziko dituena eta instalazioaren energia-eraginkortasuna hobetuko duena'.