Zinemaldia: doako sarrerak donostiar langabetuentzat.

Zinemaldirako sarrerak eskatzeko izenemate orria

     
Udalak, Zinemaldiarekin batera, doako 1.000 sarrera banatuko ditu, egoera ekonomikoa dela-eta, zinema-aretoetara joateko zailtasun gehiago izan ditzaketen donostiar langabetuen artean. Eskaerak  www.donostia.eus webgunearen bitartez egingo dira eta Udal!nfo-ko bulego nagusian jasoko dira, irailaren 19tik 22ra. Pertsona bakoitzak film bakar bat aukeratuko du eta bi sarrera emango zaizkio.      

Eskatzaileak Donostian erroldatutakoak, langabeak eta 18 urtetik gorakoak izan behar dira.      

Sarrerak eskuratzeko prozedura

     
Sarrerak lortu ahal izateko bi urrats egin beharko dira. Lehenengoa, eskaera  webgunearen bidez egitea eta, ondoren, erreserbatutako sarrerak Udaletxean bertan dauden Udal!nfo-ko bulegoan jasotzea.  

On-line eskaera hilaren 19ko 9:00etatik irailaren 22ko 14:00etara egin ahal izango da. Eskaintzen diren 14 filmetatik (ikus beheko taula) eskatzaile bakoitzak bat aukeratuko du eta bi sarrera gordeko zaizkio. Behin eskaria eginda, egiaztagiria inprimatu eta hori udaletxean aurkeztu beharko du, sarrerak jaso ahal izateko  

On-line eskaera egiterik ez dutenek 010era deituz ala Udal!nfo-ko bulegoetara bertaratuz egin ahal izango dute.      

Sarrerak soilik Udaletxeko Udal!nfo bulegoan jaso ahalko dira. Langabetua Udal!nfo-ko Harrera Gunera gerturatuko da, irailaren 19tik 22ra, 9:00etatik 14:00etara eta 16:00etatik 18:00etara. Aurretiaz egindako eskaera edo nortasun agiria (NA, NIE,...) eraman beharko ditu eta langabezian dagoela adierazten duen ziurtagiria.      

Baldintzak

Hauek dira sarrerak lortu ahal izateko bete beharreko baldintzak:      

• Langabezian egon. Lanbidek emandako DARDE agiria aurkeztu, paperean nahiz elektronikoki mugikorraren bidez.      
• Donostian erroldatuta egon. Udalak ziurtatuko du baldintza hau.      
• 18 urte baino gehiago izan.

Aukeratu daitezken filmak

     

DATA	ORDUA	FILMA	SAILA	ARETOA	SARRERA K.
ira 25	09:00	Una especie de familia	OFICIAL	K1	30
ira 25	16:00	Love Me Not	OFICIAL	K1	120
ira 25	19:00	Licht	OFICIAL	K1	50
ira 26	09:00	La cordillera	OFICIAL	K1	30
ira 26	18:00	Pororoca	OFICIAL	K1	50
ira 27	12:00	Soldatii	OFICIAL	K1	30
ira 27	16:00	Soller's point	OFICIAL	K1	120
ira 27	19:00	Soldatii	OFICIAL	K1	40
ira 28	16:00	Beyond words	OFICIAL	K1	120
ira 28	19:00	The disaster artist	OFICIAL	K1	40
ira 29	09:00	La peste	OFICIAL Fuera Concurso	K1	30
ira 29	16:00	Le lion est mort ce soir	OFICIAL	K1	120
ira 25	19:00	Operación concha	VELÓDROMO	VELÓDROMO	100
ira 29	19:00	Fe de Etarras	VELÓDROMO	VELÓDROMO	120
				GUZTIRA / TOTAL	1000

 

2017ko Zinemaldia: TAO, Dbusen zerbitzu bereziak.  

• TAO

Irailaren 22tik 30era ospatuko den Zinemaldia  dela eta,  Egoiliarrentzako Aparkaleku Bereizgarria (TAO txartela) duten hiritar guztiek, baimena izango dute beraien ibilgailuak Aparkaleku Mugatuko Guneetako edozein sektoreetan aparkatzeko destinoko eremuko TAO Txartela dutenen baldintza berdinetan, irailaren 19tik, asteartetik urriaren 2ra arte, astelehenarte, biak barne.  
Hala ere, egoiliar hauek ezin izango dute beren ibilgailua dohainik aparkatu ordainketa nahitaezkoa den guneetan ( 15 eremuko guneetan)  araututako ordutegiaren barnean.    

• DBUS

2017ko ZINEMALDIA dela eta, Dbus-ek autobusen zerbitzu berezia eskainiko du irailaren 22tik, ostirala, irailaren 30era, larunbata.
Informazio osoa ikusi (pdf)