Xabier Anduaga, 2026ko Urrezko Danborra

Donostiako Udaleko Bozeramaileen Batzordeak 2026ko Urrezko Danborra tenore donostiarrari ematea erabaki du

Donostiako Udal Taldeek erabaki dute 2026ko Urrezko Danborra Xabier Anduagari ematea, hiriaren izena mundu mailan jarduten duen lekuetara eramateagatik.

Bozeramaileen Batzordeak Donostiako herritarrek proposatutako 56 hautagaitzen artean eztabaidatu du eta saria zuzenean ematea erabaki du. Urrezko Danborra datorren San Sebastian egunean emango da Udalbatzan Aretoan.

Xabier Anduaga Martínez (Donostia, 1995eko ekainaren 5a) Donostiako opera eta zarzuela tenorea da, eta munduan eskaera gehien dituen eta errespetatzen den tenoreetako bat bihurtu da.

Nazioarteko errekonozimenduak ditu, hala nola, Pragan 2019an egindako Operalia lehiaketako operako zein zarzuelako lehen saria, edo International Opera Worlden lehen saria, 2020ko Abeslari Gazte Onenaren kategorian. Gainera, Opera Actual aldizkariaren saria jaso zuen, 2021eko espainiar interprete gazterik oparoena izateagatik, eta 2022an lehen errezitaldia eman zuen Zarzuela Antzokian, Giulio Zappa pianistak lagunduta.

Anduaga zortzi urterekin hasi zen Donostiako Orfeoian abesten, eta hamabost urterekin solista zen. Gainera, Musikene Goi Mailako Musika Eskolan ikasi zuen 2014tik 2018ra.

Bazenekien?

Urrezko Danborra pertsona fisikoei edo juridikoei ematen zaie, haien eguneroko lana, ibilbide eta ospe profesionala, edo beste alderdiren bat saritzeko, aktiboki eta nabarmen lagundu dutelako hiriaren kanpo-irudi positibo eta erakargarri bat finkatzen, eta, horri esker, hiriaren ahalmen turistikoa handitu delako, hiria ezagutzea ahalbidetu delako, etab. Egoerak hala eskatuz gero, hilondoan ere eman ahal izango da saria.

Saria 1967an sortu zen. Hasieran, saria emateko araudia kontuan hartuz, Donostian jaio ez ziren pertsonek bakarrik jaso zezaketen. Araudia 1986an aldatu egin zen, eta hirian jaiotakoek ere saria jasotzeko aukera izango zuten.

Gaur egun, urte bakoitzean Urrezko Danbor bakar bat ematen da. Saria eman gabe ere gera daiteke.

Ikusi orain arteko irabazleen zerenda