2023 urteko dirulaguntzen deialdia irabazi asmorik gabeko entitateentzat

Eskaera epea martxoaren 28an amaituko da

Deialdi honetan, ondorengo udal departamentuek eta Donostia Kultura tokiko enpresa erakunde publikoak ematen dituzten laguntzak sartzen dira:

DEIALDIAREN OINARRIAK, ESKAERAK, EPEAK...

Dirulaguntza deialdia otsailaren 28an GAO-n argitaratu ondoren, hilabete bateko epea dago eskaerak aurkezteko hurrengo egunetik hasita, hau da martxoaren 1etik martxoaren 28ra arte.

Oinarriak eta Diru partidak atalez atal:

Garapenerako Lankidetza = 993.626 €
Sentiberatzea eta garapenerako hezkuntza = 439.485 €

Berdintasuna = 82.000 €
Gazteria = 68.000 €
Giza Eskubideak eta Memoria Historikoa = 40.240 €
Osasuna eta Ingurumena = 24.560 €
Euskara Zerbitzua = 60.260 €
Kultur Aniztasuna = 54.150 €
Donostia Kultura enpresa erakunde publikoa = 67.268,15 €

2023ko aurrekontuetan, deialdi honetarako jasotzen diren laguntzetarako izendatutako dirua 2.174.763,15 euro da (2.107.495 Udala + 67.268,15 DK).

Dirulaguntzen inguruko informazio guztia eta eskaerak egiteko estekak www.donostia.eus/dirulaguntzak web orrian daude jasota.

Eskaerak On Line bidez izapidetu beharko dira, Udalaren webguneko Bulego Birtualaren bidez martxoaren 1etik aurrera.

Eskabideak erakundeko lehendakariak aurkeztu beharko ditu, edo dirulaguntzak tramitatzeko elkartea ordezkatzeko baimena duen pertsonak.

Donostiako Udalak, gizartearen kohesiorako eta herritarren partaidetzarako duten garrantziaz jabeturik, elkarteak eta haien jarduera bultzatzen ditu eta, hala, bere udal atal, eta Donostia Kultura Enpresa Erakunde Publikoaren aurrekontuen bidez, diru laguntzak jasotzeko aukera eskaintzen die hiriko taldeei eta irabazi asmorik gabeko beste entitate pribatu batzuei, hainbat arlotan egiten dituzten ekintzak gauzatzen laguntzeko asmoz.

Izan ere, talde horien ekimenek donostiarren bizi kalitatea hobetzen laguntzen dute eta, batzuetan, herri erakundeek proposaturiko ekimenen osagarri izaten dira.

2023/02/28-an argitaratua

Albisteen zerrenda