San Martin kalearen irekiera partziala

• Bidegorri bat gaituko da eta Artzain Onaren Plazaren aldeko espaloia oinezkoentzat partzialki berreskuratu da
• Arkupeetatik hurbilen dagoen erreia obrarako sarbide gisa erabiliko da, Loiola kaleko kanoia hondeatzeko

Irekiera partziala

Gaur eguerdian, maiatzaren 28an, San Martin kalearen zati handi bat herritarrentzat berreskuratuko da, Urbieta eta Hondarribia kaleen artean, hilabete batzuk erabat moztuta egon ondoren. Hilabete horietan, piloteen pantailak jartzeko lanak egin dira, topoaren Erdialdea-Kontxako geltokiko Loiolako sarbideko kanoia eraikitzeko.

Bidegorri berria

Zehazki, bidegorri bat gaitu eta Artzain Onaren Plazaren aldeko espaloia berreskuratuko da. Hala ere, arkupeen aldean dagoen espazioa handitzen da.

San Martin kaleko arkupetik hurbilen dagoen erreia obrara sartzeko erabiliko da; izan ere, udan zehar Loiola kaleko kanoia hondeatzeko lanei ekingo zaie. Piloteak gauzatu ondoren egindako hormigoizko estalkiaren azpian egingo dira hondeaketa lanak, hau da, Xabier Zubiriko sarbideko hondeaketa-lanetan egin zen antzera.

Euskal Trenbide Sarea erakunde publikoa egiten ari den obrek aurrera egin ahala, lanak egiteko okupatutako lursailen parte batzuk hirirako berreskuratuz joan daitezke.

Erlazionatutako dokumentuak

• Gaur eguerdian irekiko da era partzialean.pdf