Udalak Eraso sexisten eta indarkeria matxistaren aurkako kanpaina bat prestatu du
Oyarbidek adierazi duenez, «Ohikoa den moduan, hiriak indarkeria sexista mota oro arbuiatzen duela ikusarazi nahi dugu, eta herritarrak sentsibilizatu nahi ditugu, errespetuan ez ezik, edozein eraso sexista salatzeko eta ez isilarazteko premian ere».
Kanpaina hori egiteko, informazio baliagarria duten hainbat material prestatu dira lau hizkuntzatan: euskaraz, gaztelaniaz, frantsesez eta ingelesez, eta neska-mutilei zuzenduta daude. Horiez gain, kanpainaren leloa duten txapak, eskumuturrekoak, eta itsasgarriak prestatu dira (azken horiek ekimenean parte hartu nahi duten tabernetan jarriko dira). Era berean, udaletxeko alboko balkoian jarriko den pankarta bat ere prestatu da.
«Gainera, iaz egin genuen bezala, Bulebarreko prentsa-kiosko zaharra berriz ere puntu morea izango da jaietako indarkeria matxisten aurrean informazioa, prebentzioa eta arreta emateko», adierazi du Berdintasuneko zinegotziak. «Puntu horretan, indarkeria eta jokabide matxisten inguruko sentsibilizazioa eskainiko da, eta botere- zein menderatze-joerak eta -harremanak prebenitzeko premiaz ohartaraziko da. Era berean, errespetuan oinarritutako harreman afektibo-sexualak sustatuko dira eta festetan gerta daitezkeen indarkeria matxistako kasuei erantzungo zaie» azaldu du.
| EGUNA | ORDUTEGIA | LEKUA |
San Juan Sua | Ekainak 23 ostirala | Arratsalde – gaua (6 ordu egunean) 19:00 – 01:00 | Kursaaleko zubian |
Groseko jaiak | Uztailak 15 larunbata | Arratsalde – gaua (6 ordu egunean) 21:00-03:00 | Kataluna plaza |
Karmengo Jaiak | Uztailak 15 larunbata | Arratsalde – gaua (6 ordu egunean) 22:30-04:30 | Bulevardeko kioskoan |
Jazzaldia | Uztaila 22, 23, 24 | Arratsalde – gaua (6 ordu egunean) 20:00 – 02:00 | Kursaaleko zubian |
Aste Nagusia | Abuztuaren 12tik 19ra | 21 ordu egunean. 13:00 – 10:00 | Boulevardeko kioskoan |
Euskal Jaiak | Irailak 2 sagardo eguna eta 10 estropada finala | Egunean zehar (6 ordu egunean) Irailak 2: 11:00 – 17:00 Irailak 10: 10:00 – 16:00 | Bulevardeko kioskoan |
Egiako Jaiak | Irailak 14, 15 eta 16 | Arratsalde – gaua (6 ordu egunean) 14; 19:00-01-00 15;22:00-04:00 16; 00:00-06:00 | Zehazteke (Virgen del Carmenen edo plaza berrin) |
Erlazionatutako dokumentuak
2023/06/16-an argitaratua