Pertsona bakoitza liburu bat da. Giza Liburutegien bitartez kultura eta bizipen desberdinak ezagutuko dituzu.

Giza liburutegiak Kopenhagen 1993 urtean sortu zen proiektu bat da. Saio hauen helburua diskriminazioa murriztea da, desberdintasunari balorea emanez eta elkarrizketa eta tolerantzia bitartez, bizitza estilo edo kultura desberdinetatik datozen pertsonenganako ulermena bultzatzen da, ikaskuntza sustatuz.

Saio bakoitzean parte hartzaileak taldean esertzen dira eta aurkezpen eta elkarrizketa gurutzatuak burutzen dituzte. Giza Liburutegien protagonistak euren kontakizunak partekatzen dituzte, elkarrizketa eta harremanen bitartez. Honela hizlaria liburu bilakatzen da eta entzulea berriz irakurle.

2020

Martxoaren 17an, arratsaldeko 17:30etatik 19:30etara, San Telmo Museoko liburutegian lau pertsonen kontakizunak entzungo ditugu.

• Venezuela: Bidaia baten bitakora
• Venezuela: Hamaika herrimin
• Kamerun: Nire bizitzako bi erabaki gogorrenak
• Maroko: Bizitzeko, aukeratzeko, izateko eskubidea dut

Parte hartzen duten elkarteak: Jatorkin Al-Nahda, Asociación Intercultural Unión Cinco Estrellas, Emigrad@s Sin Fronteras eta Asovengui.

2019

• Ukrainia: Benetako Ukrainiarra ote naiz?Liubov Burianska
  Errusiarra, ukrainiarra, euskalduna, espainiarra... edo lurtarra naiz? Non dago nire lekua?
• Maroko: Emakume aske eta borrokaria Ch. N.
  Emakume borrokalaria sentitzen naiz, nere bizitzan jasan ditudan egoera guztiei aurre egin diedalako, eta borrokan dihardut nire lorpenak bilakatzeko asmoz.
• Ukrainia: Holodomor. Izugarrizko Gosetea Natalia Mykhaylevska
  Genozidio ukrainiarra, Stalinek eragindako sarraskiaren kontakizuna. (Ukrainia 1932-1933)
• Nikaragua: Jauregiaren hormak Ladys Salgado
  Nikaragua, nere herrialdetik, hamabi urte dira emigratu nuela eta hiru amets nituela etorri nintzen...
• Uruguai: Ikasteko aukera Evelyn Brand
  Uruguaik gizarte politika aurreratuak izan ditu bai berditasunean bai inklusioan. Herrialdean hezkuntza doakoa da, laikoa eta derrigorrezkoa.

2018

• Egipto: Egiptoko kultur aniztasuna Ramy Kamel
  Egipto kultura anitzeko herrialdea da. Azkenaldian, arrazoi politiko eta alderdi interesgatik, ataka estu baten aurrean aurkitzen da musulmanen eta kristau koptoen arteko gorrotoak eraginda.
• Honduras: Amets bati segika? Sonia Gúzman
  Hondurasko ama etorkin baten hausnarketa da hau. Atzera begiratu eta konturatzen da gauza asko irabazi dituela, baina beste aldetik gauza asko galdu dituela ere bai.
• Maroko: Belaunaldi arteko harremanak Ch. N.
  Belaunaldien arteko gatazka eta mundua ulertzeko bi ikuspuntu.
• Himalaia: Elurpeko loreak Karmele Ossa
  Indiako Iparraldean testu inguru desberdinetako emakumeen ahalduntzea kontatzen digun istorioa.
• India: Indiako kultur aniztasuna Rajesh Devi
  Indiako kulturaren hainbat alderdiren errepasoa: ezkontzak, hezkuntza, erlijioa etab.