BakQ-a ziurtagiri digital bat da, administrazio-izapide asko online egiteko aukera ematen duena. Izan ere, ziurtagiri honekin, telematikoki identifikatu eta sinatu dezakegu, modu seguruan. Oso erraza da erabiltzen.
Ez da Donostiako Udalak jaulkitzen duen ziurtagiri bat, Eusko Jaurlaritzak eta Foru Aldundiek sortutako Izenpe sozietateak jaulkitzen ditu ziurtagiri hauek.
Ziurtagiri hau ez dator txartel batean (edo beste euskarri fisiko batean), hodeiko ziurtagiri birtuala baita. Horregatik, ez du txartel-irakurgailurik behar, eta ordenagailuetan nahiz gailu mugikorretan erabili daiteke.
Herritarrei arreta emateko Udalinfo-ren bulegoak BakQ-a aurrez aurre eskuratzeko guneetako batzuk dira. Izenperen web-orrian BaKQ modu presentzialean lor daitekeen bulego guztien zerrenda dator, baita bideo-identifikazioaren bidez berau online lortzeko aukera ere.
Informazio gehiago
B@kQ identifikazio elektronikoa