II. Errepublika defendatu zuten fusilatu eta errepresaliatuen omenezko plaka

2005eko apirilaren 30ean 1936tik 1939ra II. Errepublika defendatu zuten fusilatu eta errepresaliatuen omenezko plaka bat jarri zen Sagüesen, Padre Claret enparantzan.

2011n Donostiako Udalak plaka berri bat inauguratu zuen lehenago ostu zutena ordezkatuz. “Genozidio Frankistaren Biktimen Elkartearen” eskutik egin zuen. Juan Karlos Izagirre alkatea buru izan zen ekitaldian lore eskaintza eta dantzari, nahiz txistularien partaidetza izan zituen.