Dantza Garaikideko Hastapenak (6-8 urte)

Sormen Dantza lan-metodologia bat da, eta dantza askearen, berezkoaren eta aurretik arautu gabearen bitartez, guztiok ditugun adierazpen- eta mugimendu- ahalmenak sustatzen ditu, ongizate fisikoa, psikikoa eta afektiboa sendotzen duen sormen-prozesu batean.

Sormen Dantzan ez da soilik ikus daitekeen alderdia lantzen, baita haren alderdi ikusezina eta sentibera ere. Gure mugimendua eta adierazpen-, komunikazio- eta sormen-gaitasunak areagotzen laguntzen digu.

Postura-armonia, gorputz- eta espazio-energiaren erabilera, eta mugimenduaren adierazkortasuna garatzen ditu; eta ahalmen sortzailea eta dantza-zaletasuna sustatzen ditu.