Azterketa fasea itxi da.

Udalak 929 proposamenen jaso ditu Donostia Guztion Artean prozesuaren baitan. Antzekoak direnak multzokatu eta errepikatutakoak baztertu ondoren, 724 dira bideragarritasun fasean gaiaren ardura duen departamentuak aztertu dituztenak.

Horietatik 599, Donostiako auzo ezberdinen gainean egin dira eta 125 hiri mailakoak dira. Bestalde, 434 norbanakoek egindakoak dira eta 290 Udal Entitateen erregistroan inskribatuta dauden elkarteek egin dituzte.

Gogoratu ondorengo baldintzak bete behar dituztela aurrera egingo duten proposamenek:

• Interes publikokoak izatea.
• Udal eskumenekoak izatea.
• Udalaren Berdintasun Planeko eta Euskara Planeko jarraibideak bete behar dituzte.
• Gehienez 300.000 €-ko gastua eragin behar dute.
• 2019ko ekitaldian gauzatzeko modukoak izan behar dute, eta ezin izango dute eraginik izan ondorengo aurrekontuetan.