Abiadura Handiko Trena (AHT) dela eta egokituko den geltokiaren aurrean espazio publiko handi bat sortzea.  Geltokiaren gainean eta Tabakalerako aurrealdean plaza handi bat egitea. Tabakalerako atzealdeko fatxadaren eta Urumeako pasealekuaren artean 5.700 m² espazio berriak Egia Erdialdearekin eta autobus geltokia Abiadura Handiko Trenarekin eta aldirikoekin lotzeko balioko du.

Bizikleta sarea garatzea eta amaitzea Pagolatik Gailurreraino Aieten. Lanak bost fasetan banatu dira eta horietako bat % 100ean amaitu da (1. fasea) eta beste bat % 75ean gauzatu da (4. fasea igogailuen artean).

Kudeaketa integrala eta parte hartzailearen programa sortu da Alde Zaharrean, tresna gisa, alde batetik, hainbat biztanleria maila eta erakunde (sozialak, elkarteak, erakundeak, etab.) elkartzeko eta adosteko plataforma izateko, eta, bestetik, proiektu eta ekimen desberdinetarako esparru operatibo bat ezartzeko.
Plan horren barruan, oraingoz partzialki ekingo zaie jarduketei, hala nola, ekipamendu plana, Bretxa eta bere ingurua, zuntzaren hedapena, eta plan berezi berriaren idazketa.

Isabel II, Felipe IV eta Gregorio Ordoñez kaleen berrurbanizazioa. Donostiako Udalak Amarako ingurumen baldintzak hobetzera bideratutako jarduera multzo bat programatu du, herritarren erabilerarako eta gozamenerako espazioak berreskuratuz eta izaera desberdineko fluxuen arteko oreka egoerak lortuz (oinezkoena, txirrindulariena eta ibilgailuena, batez ere) guztiak modu armoniatsuan batera egon daitezen.

Anoeta aldeko kirol instalazioak birmoldatzeko bigarren fasea. Anoetako estadioaren birmoldaketa amaitu eta han zeuden atletismoko pistak kendu ondoren, Anoetako miniestadioaren birmoldaketa proiektatu zen, hirian eta Gipuzkoa osoan atletismoa eta errugbia praktikatzeko instalazio erreferente gisa.

Horretarako, proiektuak edukiera handitzea aurreikusten du, nazioarteko lehiaketak antolatu ahal izateko, eta barneko eta kanpoko ekipamenduak hobetzea.

Proiektu honen helburua Añorgako zeharbidea berrurbanizatzea da, tarteko biribilgunearen eta Errekaldeko biribilgunearen artean. Hirian sartzeko bide ardatz hori bulebar bihurtu nahi da, eta hiri diseinuaren ezaugarriak eta I. fasean daudenen antzeko kalitateak izango ditu.

Hiriaren inguruan emisioak murrizteko beharrari buruz egindako hausnarketak, herritarren mugikortasuna babestuz, Dbus-en 17. linearen elektrifikazio proiektua bultzatu du, flotaren deskarbonizazio planaren proiektu pilotu asmo handiko gisa. Plan horren helburua Dbusen 2030erako autobusen % 100 elektrifikatzea da.

Pasai San Pedro hiribidea eta Bidebieta auzoaren arteko bidegorria eraikitzea 2021eko aurrekontu parte-hartzaileen deialdian aukeratutako proiektuetako bat da.

Ibilbidea, 455metroko luzerarekin, Azkuene kaletik gertu hasten da Pasai San Pedro etorbidetik jarraitzeko (galtzadatik eta espaloitik zatika, Colombine kalera iritsi arte). Bertan, Bidebietako Joan XXI etorbidearekin bat egiten duen gune batetik igarotzen da.

Bidegorria, lehen 300 metroetan, txirrindularientzat bakarrik da eta 2.50 metroko zabalera du. 300 eta 400 KPen artean, sekzioa oinezkoen eta txirrindularien artekoa da, eta, azken 50 metroetan, garajeetara sartzen diren motordun ibilgailuekin partekatzen du bidea.

Luzetarako profilari dagokionez, lehen 160 metroak ia horizontalak dira baina Pasai San Pedro etorbidea zeharkatu ondoren, trazadura igotzen hasten da, betiere % 6tik beherako aldapa batekin. Azken 50 metroetan malda handiagoa da.

Bretxa Berriaren eraikineko eta eremuko esku-hartzearen helburua merkatu tradizionalaren baldintzak hobetzea eta asentadoreak kaleko oinplanoan kokatzea da. Horrek jarduketa integrala eskatzen du, Bretxa eraikina, Arrandegi eraikina eta bien arteko plazaren antolamendua eraldatuko duena.
Eraldaketa honetan, Osakidetzarako osasun zentro berria eta Alde Zaharreko kirol gune estali berria proiektatu dira.

Proiektuaren helburu nagusiak bi dira: batetik, ekialdeko barrutian eta osatu den egituran, bertan dauden arazoak, proposamenak edo proiektuak hurbiletik landu ahal izatea eta, bestetik, parte hartzea sustatzea.

Amara auzoan dagoen trenbide geltokiaren erabilera amaitu ostean, Euskal Trenbide Sareak (ETSk) gune horretan hiri espazio berria sortzeko asmoa du.

Errautsak botatzeko eta gordetzeko espazioa sortzea, orain arte, "Hobi arruntak" izeneko eremuan, Polloe hilerriaren erdian kokatua eta gutxi gorabehera 6000 m²-ko azalera duena.
Lorategi berriak errautsak libreki sakabanatzeko lekua izango du eta, era berean, errautsak uzteko hilobiak izango ditu bai banaka, banakako hautsontzietan, bai taldeka, "familia hautsontziak" deitu litezkeenak.
Kokapen berriak ere paisaia espazioak izan behar ditu, hilerriaren ingurunearekin irisgarriak eta jasangarriak. Beharrezkoa izango da "Hobi arruntak" izeneko eremuan harlauzek hartzen duten egungo lurzorua egokitzea.

Lurzatien merkaturatzea bultzatzea, enpresa berriak erakarriz, SPRIrekin egindako hitzarmenaren bidez.
Eskusaitzetaren jabetza Donostiako Udalarena da  %53,73 eta Sprilur-ena %46,27.

1.052.679 m² ko azalera duen eremua da eta 290.110 m² (t) -ko eraikigarritasuna duen poligonoa.
Horietatik 263.860 m² (t) industria-erabilerakoak dira, 24.650 m² (t) hirugarren sektoreko erabilerakoak eta 1.600 m² (t) ekipamendukoak.

Espetxerako lurzatiak 284.255 m² ditu.

Hiri berroneratzeko hirigintza jarduera bat egin nahi da Añorga Txikin, eta bertako hirigintza plangintzan aurreikusita dago lurzati batean babes ofizialeko etxebizitzak garatzea.

Hirigintza garapena eta urbanizazio prozesuak abian jartzea Añorgako Geltokia, Illarra, Igara, Infierno, Aldakoenea, Loiolako Lorategi Hiria eta Antzita bezalako eremuetan.