Lurralde oreka eta kohesioa

Bretxa Berriaren eraikineko eta eremuko esku-hartzearen helburua merkatu tradizionalaren baldintzak hobetzea eta asentadoreak kaleko oinplanoan kokatzea da. Horrek jarduketa integrala eskatzen du, Bretxa eraikina, Arrandegi eraikina eta bien arteko plazaren antolamendua eraldatuko duena.
Eraldaketa honetan, Osakidetzarako osasun zentro berria eta Alde Zaharreko kirol gune estali berria proiektatu dira.

Errautsak botatzeko eta gordetzeko espazioa sortzea, orain arte, "Hobi arruntak" izeneko eremuan, Polloe hilerriaren erdian kokatua eta gutxi gorabehera 6000 m²-ko azalera duena.
Lorategi berriak errautsak libreki sakabanatzeko lekua izango du eta, era berean, errautsak uzteko hilobiak izango ditu bai banaka, banakako hautsontzietan, bai taldeka, "familia hautsontziak" deitu litezkeenak.
Kokapen berriak ere paisaia espazioak izan behar ditu, hilerriaren ingurunearekin irisgarriak eta jasangarriak. Beharrezkoa izango da "Hobi arruntak" izeneko eremuan harlauzek hartzen duten egungo lurzorua egokitzea.

Lurzatien merkaturatzea bultzatzea, enpresa berriak erakarriz, SPRIrekin egindako hitzarmenaren bidez.
Eskusaitzetaren jabetza Donostiako Udalarena da  %53,73 eta Sprilur-ena %46,27.

1.052.679 m² ko azalera duen eremua da eta 290.110 m² (t) -ko eraikigarritasuna duen poligonoa.
Horietatik 263.860 m² (t) industria-erabilerakoak dira, 24.650 m² (t) hirugarren sektoreko erabilerakoak eta 1.600 m² (t) ekipamendukoak.

Espetxerako lurzatiak 284.255 m² ditu.

Proiektu honen xedea da Haizearen Orraziaren plazan egin beharreko esku hartzeak definitzea, monumentu multzo kategoriarekin sailkatutako kultura ondasun izendatzeko espedientean zehaztutako irizpideak eta helburuak betetze aldera.
Esku hartzeak honako hauek dira:
- Granitoa garbitzea
- Plataforma irisgarritasun irizpideetara egokitzea
- Landareztatzea
- Argiztapena
- Saneamendua hobetzea
- Mendi hegala egonkortzeko lanak amaitzea

Hiri-ardatz berde handi bat sortzea, zeharbide osoari lagunduko diona. Egoteko eremu zabalak sortzea, lorategiz hornituak. Geltokiaren ondoan plaza handia eraikitzea era guztietako jarduerak egiteko aukera emango duena, hala nola azokak, jokoak edo kontzertuak. Hori guztia, ibilgailuen zirkulaziorako azalera murrizteari esker, oinezkoen espazioa birdimentsionatzeko aukera ematea.

Era berean, proiektuak lur gaineko 86 aparkaleku aurreikusten ditu, eta beste 37 aurreikusten dira gauetan soilik aparkatu ahal izateko. Halaber, zeharbideak bidegorri bat izango du, Urdinzu eta Txomin zubien artean dagoen espaloia lotzeko. Zeharbidearen mendebaldeko aldean igogailu berri bat jarriko da, Ariztigaiña bidera sartzeko.