Aurrerapen mailaren iturria: proiektuaren fasea

Udalak hitzarmena itxi du Defentsa Ministerioarekin, Loiolako kuarteletako lurrak desafektatu eta erosteko, sinadura falta da soilik.

Lurrak 17,5 hektarea hartzen ditu eta salerosketaren zenbatekoa 73.000.000 eurokoa da.

Akordioaren sinadura ofiziala eta eskriturak 2023ko lehen seihilekoan eginen dira. Akordioan jasotzen denez, Armadak 4 urte izango ditu eskualdeko instalazio militarrak lekuz aldatzeko, eta urtebete gehiago luza daiteke. Denbora horretan, Udalak, Hiri Antolamenduko Plan Orokorraren bidez, eremuaren azken garapenean lan eginen du.

Eremu honetan 1.500-1.700 etxebizitza berri eraikitzea eta ekipamendu publikoez hornitzea da hasierako aurreikuspena.