Aurkezpena

Komunitateen indartzea, genero ekitatea eta banakako zein taldeko eskubideak sustatuko dituzten prozesuak babesten ditugu. Hiritarrak jarrera kritiko eta aktibo bat garatzera gonbidatzen ditugu, Iparra eta Hegoaren arteko harremanen aldaketaren aldekoa, tokian tokiko jarduerekin hasiko dena garapen globalera iritsi arte.

Garrantzitsua da bertako gizarteak garbi izatea beste herrialdeetako arazoak ez direla eurenak, baizik eta denonak. Ez gara ari hemen elkartasunaz soilik, baizik  eta onuradun jakin batzuk dituen mundu desoreka bat konpontzeaz.

Lankidetza eta garapanerako hezkuntza eredua ez da neutroa.Irizpide batzuk ditu, eta bultzatzen ditugun proiektuak irizpide horiekin eragin eremuak zipristindu ditzaten nahi dugu. Han eta Hemen.

• Donostiako Udalaren Lankidetza eta Gizarte Eraldaketarako Hezkuntzako IV. Plan Zuzendaria (2021-2024)
• Donostiako Udalaren Lankidetzako eta Gizarte eraldaketarako Hezkuntzako Plan Zuzendaria (2017-2019)
• Donostiako Udalaren Giza Garapen Iraunkorrerako Lankidetza eta Hezkuntzako Plan Zuzendaria.(2012-2015)