Bidezko Merkataritza eta kontsumo arduratsua indartzea.

Donostian asentatuta dagoen proiektu bat dugu, jendeak bidezko merkataritzaren eta kontsumo kontziente eta arduratsuaren gainean kontzientzia hartzeko asmoa duena.

• Donostiako Bidezko Merkataritza talde moduan, urte guztian zehar priektuaren koordinazio eta jarraipena. Partaidetza aktiboan jarraitzea sare desberdinetan: Bidezko Hiriak (Bidezko Merkataritzaren aldeko Hiriak) eta Saretuz (Donostiako Kontsumo Kontziente eta Eraldatzailearen aldeko Sarea).
• Donostiako agenteekin elkar-lana jarduera desberdinetan, partzuergoaren lana ezagutzera emateko: "Munduko Arrozak" jai interkulturala; bidezko merkataritzako poltsak egitea Emaus-Bitartean inklusio gunean parte hartzen duten pertsonen, Kromosoma artisau taldearen eta taldearen beraren artean; bidezko sukaldaritzako lantegia egitea, Lakariren (kontsumo arduratsuko eta sostengagarriko ekimena) eta Adsis lanbide heziketako zentroko sukaldaritza ikasleen artean.
• Bidezko Merkataritzako munduko eguna: egunaren planifikazioa eta gauzatzea, bidezko sukalde tailerra eta publiko desberdinentzat egokitutako ekintzak eginik. 
•  Zabaldu Komunikazio estrategiak praktikan jartzea: ikastetxeetan eta unibertsitatean prestakuntza eta sentsibilizazio ekintzak eginda; ezagutarazi eta sentsibilizatuta taldearen beraren eta kide diren entitateen sare sozialen eta tokiko komunikabideen bitartez.

Helburu nagusia beste merkatu mota bat ere izan daitekeela erakustea da.