Kudeaketak eta tramiteak
Non aska dezaket txakurra? Aisialdirako guneak eta ordutegiak
Donostiako Udalak txakurren aisialdirako hainbat gune ditu ezarriak, eta hor aske eraman ahal izango duzu txakurra. Baina gogoan izan:
- Zure txakurra arriskutsua izan daitekeen arraza batekoa bada, ezingo duzu aske eta muturrekorik gabe eraman.
- Jolastokietan ere kontrolatu beharko duzu txakurra (beti jabeekin batera ibili behar dute).
- Gorozkiak jaso beharko dituzu.
Eremuak eta ordutegiak
- Miramon, Lauaizeta, Otxoki, Ametzagaña eta Uliako parkeak, 18:00etatik 12:00etara.
- Urgulleko parkea 18:00etatik 12:00etara neguan, eta 19:00etatik 10:00etara udan.
- Zurriola, Kontxa eta Ondarreta hondartzak: bainu garaitik kanpo soilik.
- Santa Klara uhartea: ezin da eraman ezein espezietako lagun egiteko animaliarik.
- Guau parkea: Gregorio Ordoñez kalea. Ordutegia: 08:00etatik 21:00etara egunero, eta 09:00etatik 21:00etara larunbat, igande eta jaiegunetan. Neguan parkea 19:30ean ixten da.
Horrez gain, 20:00etatik 10:00etara aske ibili ahal izango dira txakurrak, eremu hauetan:
- Antigua: Ondarreta pasealekuaren eta Igeldo pasealekuaren arteko eremu irekiak (unibertsitateak); Mikeleteen pasealekuak, Pio Baroja pasealekuak, Jauregi eta Isturin kaleek, Ibaeta parkeak eta Zapatari plazak mugatutako eremu irekia.
- Aiete: Damazelai parkea; Katalina Eleizegi kaleak, Izostegi pasealekuak, Errondogaña kaleak, Merkezabal kaleak eta Puiok (Puio mendiak) mugatutako eremu irekia.
- Amara: Zorroaga gaineko kaleak eta Begiristain Doktorearen pasealekuak mugatutako eremu irekiak; Amaiur parkea eta haren pareko lorategia (Oroimenaren Lorategia izan ezik).
- Loiolako Erribera: Loiolako Erribera pasealekua.
- Loiola: Hondarzale pasealekua.
- Txomin: Kristobaldegiko bidea (komentu ingurua).
- Martutene: Okendotegi bidearen inguruko eremu irekiak (Urumea ibaiaren eta GI 131 errepidearen artean).
- Intxaurrondo: Txaparrene pasealekua, Zubiaurre pasealekua; Mons pasealekuaren eta Fernando Sasiain kalearen arteko lorategi gunea (autobus garajea).
- Herrera: Arrobi.
- Bidebieta: Herri Ametsarako igoera; Salvador Allende parkea.
- Gros: Manteo.
- Egia: Matigotxotegi.
- Erdialdea: Urumea pasealekua; Frantzia pasealekua (ibai ingurua).
- Parte Zaharra: Pasealeku Berria.
- Altza: Goiko aldeko lorategi parterrea, Arria parkeko ipar-ekialdea.