Donostiako Udaleko Herri Partaidetza Zerbitzuak elkarteentzako hainbat ikastaro antolatu ditu, formazio hauen bidez erakundeetako egiturak indartu eta proiektuak garatzeko baliabideak eskaintzeko helburuarekin.

Hauek dira udazkenean eskainiko diren ikastaroak:

• SNAPSEED: argazkien edizioa mugikorrarekin
• CAPCUT: bideoak mugikorrarekin editatzen 
• Sare sozialen erabilera eraginkorra
• CANVA
• Elkartegintza eta aniztasuna
• Proiektuetan genero ikuspegia eta berdintasun neurriak
• Elkarteen lege eta zerga betebeharrak
• Proiektuak nola landu
• Prozesu parte-hartzaileak

Formazioek 2 edo 4 ordutako iraupena izaten dute, bi arratsaldetan banatutako ikastaroak dira gehienak, eta kasu batzuetan arratsalde bakar bateko saioak dira.

Udaletxean egiten dira saioak, 17:00 edo 18:00etan hasita. 

Izen ematea doakoa da, formakuntza euskaraz nahiz gazteleraz eskaintzen da.

Ikastaroak Udalak antolatzen ditu eta enpresa eta kooperatiba hauetako adituek dinamizatzen dituzte saioak eta edukiak eskaini: Farapi, Errotik, TaPuntu, AMB Legez...

Izena emateko formularioan saio bakoitzaren datak eta ezaugarriak ezagutzeko aukera dago.