Nolakoa da hiria

Donostia bizitzea merezi duen hiria da. Hiri irekia eta dinamikoa da, pertsonak eta haien ingurunea zaintzen dituena, eta garapen orekatu eta iraunkorraren aldeko apustua egiten duena.

Nortasun kultural sendoa du, euskara du zutabe, eta begirada berritzailearekin zaintzen du bere iragana. Zientzia eta ezagutza ardatz dira gure hirian, aurrera egiten jarraitzeko eta donostiarren bizi-kalitatea hobetzeko.

Donostia aukeraz beteta dago, abegikorra da, konprometitua eta anitza, guztiontzako bizikidetza, ongizatea eta aukerak sustatzen dituen hiria da.

Sustrai sakonak ditu, eta bere kulturaz harro dago, baina etorkizunari begirada argiaz begiratzen dio, donostiarrek beren bizi-proiektua garatu ahal izateko pentsatutako begiradaz, hain zuzen.

Jasangarritasuna bere politika eta jarduera guztien zeharkako ardatz duen hiri baten aldeko apustua egiten dugu

Kultura hiriko hainbat dinamika eta gune eraldatzeko elementu gisa sustatzeko lan egiten dugu

Kirolean sinesten dugu osasunaren sustatzaile gisa, herritarrek bizi-kalitate hobea izan dezaten

Bisitatzen gaituztenak hartzen dituen hiria gara, herritarren eta gure nortasuna ezagutu nahi dutenen arteko bizikidetzari lehentasuna emanez

Enpresei, ekintzaileei eta talentuari gure sustengua ematen diegu, Donostia aukeraz betetako hiria izan dadin

Donostia Zientzia eta Ezagutza da, berrikuntzaren aldeko apustua egiten duen hiria, bere etorkizunerako funtsezko ildo estrategiko gisa

Elkartasuna eta berdintasuna bultzatzen dituen hiria gara, lankidetza eta kohesio soziala sustatuz, herritarren inplikazioarekin

Donostia, euskararen hiria. Donostia euskararen hiriburua da, batzen gaituen hizkuntza, gure kulturaren eta nortasunaren zutabea

Donostia gazteek beren bizi-proiektuak garatu ahal izateko hiri bihurtzeko baldintzak eta aukerak sustatzen ditugu

Ezagutu auzoak

Donostia 15 auzok eta 2 lurralde-eremuk osatzen dute, eta haien nortasunek eta berezitasunek hiri anitza eta bizitzaz betea osatzen dute.

Horiek guztiak errealitate komun baten inguruan egituratzen dira: auzotarrak dira haietako bakoitzaren ardatza.

Ezagutu berdeguneak

Donostia hiri berdea da, eta hiria egituratzen duten parke eta lorategi ugari ditu. Hogeita hamar natura-eremu ditu, ingurumenarekiko errespetua eta kultura-ondare garrantzitsu baten balioa uztartzen dituztenak.


Izaera horri hiria inguratzen duen ingurune natural pribilegiatua gehitu behar zaio. Kantauri itsasora irekitako bidezidor, begiratoki eta paisaiek hiriaren eta paisaiaren arteko lotura estua indartzen dute. 

Ezagutu hondartzak

Donostia kostaldeko hiria da, eta bere hondartzen inguruan dago egituratua, hiri-ingurunean erabat integratuta baitaude.

Gainera, lau hondartzetako bakoitzak nortasun propioa du, eta nortasun horri arreta berezia ematen zaio zaintzari eta zerbitzuei dagokienez.

Donostia datuetan

Ezagutza da kudeaketarako tresnarik onena. Horregatik, Udalak datu-base eguneratu eta zabala du, herritarrentzat erabaki onenak hartzea ahalbidetzen duena.

Datu demografikoak, ekonomikoak, ingurumenari lotutakoak… Guztiak donostiarren eskura, klik bakarrean.

Mapak - GeoDonostia

GeoDonostia Udalaren geoataria da, eta informazio geografikorako sarbide eguneratua eskaintzen du.

​​​​​​​Helburua Udalaren datuak, metadatuak eta zerbitzu geografikoak plataforma bakar batean biltzea da; herritarrek, enpresek eta beste administrazioek erraz kontsultatu, eskuratu eta berrerabili ditzaten.

Azken albisteak

Gabonetako azokaren aurkezpena
Garapen ekonomikoa eta enplegua
Laser ikuskizuna eta 1.000 dronekin egindako show bat Gabonei ongietorria emateko

Kontxako badian izango da inaugurazio ekitaldia, abenduaren 4an, 19:30ean

Euskararen Eguna Donostian
Euskara
100 ekitalditik gora Donostiako auzotan Euskararen Nazioarteko Eguna ospatzeko

Azaroaren 22tik abenduaren 13ra 

gimnasio miniestadio
Kirola
Anoetako Miniestadioko gimnasioa azaroaren 23an irekiko da

Gipuzkoako Atletismo Federazioarekin batera diseinatutako gune berria beste urrats bat da 

Udalak Gobernantzaren Europako Bikaintasun Zigilua lortu du berriro

Aurreko edizioarekin alderatuta, Udalak bere puntuazioa hobetu du, 4tik 3,53ko puntuazioa lortu baitu, eta gehieneko balorazioa lortu du gardentasunari, erantzuteko gaitasunari eta iraunkortasunari dagokienez