Tramitearen deskribapena
Zure ibilgailua araututako eremuan aparkatzeko baimena.
Mota hauek daude:
- Egoiliarrak (2026 tasa: 62,24€)
- Jarduera ekonomikoak
- Mugikortasun murriztua duten pertsonak
- Udatiarrak: ekainaren 1etik irailaren 30era soilik izango da baliagarria (2026 tasa: 137,45€)
OHARRA:
Bereizgarria nahitaezkoa izango da egoiliarren, mugikortasun urriko pertsonen eta udatiarren baimenetan.
Baimena jasotzeko eskubidea ematen duen helbidera bidaliko da (erroldatze-helbidera edo udako bizilekura).
Aurreko haizetakoaren beheko eskuineko angeluan jarri beharko da, baimena ematen denetik 30 egun naturaleko epean.
Epe hori igarotakoan, bereizgarririk gabe aparkatzea arau-haustea izango da.
Zeinek egin dezake eskaera
Interesdunak edo bera ordezkatzeko baimena duenak.
Beste pertsona bat baimen dezakezu tramite hau zure izenean egin dezan. Horretarako ordezkaritza baimen hau bete beharko duzu.
Ordezkaritza iraunkorragoa eman nahi baduzu, ordezkarien erregistroan egin dezakezu.
Noiz egin daiteke eskaera
Urte osoan zehar
Udako TAO izan ezik: ekainaren 1a baino 15 egun lehenago
Beharrezko dokumentazioa
Ikusi "Dokumentuak" atalean baimen motaren arabera beharrezkoak diren agiriak eta betekizunak.
Oharrak:
- Udalak eskubidea du edozein froga dokumental eskatzeko, eta/edo baimena eskuratzeko eskatzaileek aurkeztutako datuak egiazkoak direla ziurtatze aldera beharrezkoak diren egiaztapenak ofizioz egiteko.
- Izapide honetan zehaztutako formularioa edo inprimaki espezifikoa erabiltzea derrigorrezkoa da
Eranskinen gehienezko tamaina: 10 Mb
Ordainketaren zenbatekoa
2026 TASA
Egoiliarrak: 62,24 €
Diru-sarrerak Bermatzeko Errentaren eta/edo Gizarte Larrialdiko
Laguntzaren titularrentzako edo onuradunentzako tasak: 36,42 €
Urtero eskabidea aurkeztu behar da, eta zergaldi berean izango du eragina, beti ere borondatezko ordainketaren epea bukatu baino lehen egiten bada eskabidea.
Bai egoiliarrentzako baimenaren eskabidea urte naturaleko bigarren seihilekoan egiten den kasuetan bai emandako baimena bertan behera utzi kasuetan, kuotaren zenbatekoa seihileko naturaletan hainbanatuko da (31,12 € oro har eta 18,21 €, aurrez adierazitako gizarte laguntzen onuradunek).
Udatiarrak: 137,45€ (ezin da ordainketa hainbanatu)
Mugikortasun murriztua pertsonak: doakoa
Jarduera ekonomikoak: Ordaindu behar dutena erabileraren denboraren arabera egingo da (3. Tarifa).
Autokarabanentzako zerbitzu eremua:
Udaldian (ekainaren 1etik irailaren 30 arte): 11,20 €
Gainerakoan (urriaren 1etik maiatzaren 30 arte): 5,60 €
Ebazpen eta isiltasun zentzuaren epea
- Estimatutako epea: 7 egun
- Epe legala: 3 hilabete
- Isiltasun zentzua: Aurkakoa
Prozesuaren urratsak
- Eskabidea eta agiriak erregistratzea
- Baldintzak betetzen direla egiaztatzea
- Agiriak zuzentzea, horrela badagokio
- Baimena ematea edo ukatzea
- Tasa ordaintzea, horrela badagokio
Jarduera ekonomiko kasuan, interesatuei jakinarazpena bidaltzen zaie eta beraiekin kontaktuan jartzen gara erabilpen ondorioak jakinarazteko.
Izapidearen arduraduna
Departamentua: Mugikortasuneko Zuzendaritza
Araudia
Erlazionaturiko tramiteak
Bestelako informazio interesgarria
Datu babesa
B@kQ identifikazio elektronikoa
Eskabidea