Etxebizitza eta hirigintza

Abiadura Handiko Trena (AHT) dela eta egokituko den geltokiaren aurrean espazio publiko handi bat sortzea.  Geltokiaren gainean eta Tabakalerako aurrealdean plaza handi bat egitea. Tabakalerako atzealdeko fatxadaren eta Urumeako pasealekuaren artean 5.700 m² espazio berriak Egia Erdialdearekin eta autobus geltokia Abiadura Handiko Trenarekin eta aldirikoekin lotzeko balioko du.

Kudeaketa integrala eta parte hartzailearen programa sortu da Alde Zaharrean, tresna gisa, alde batetik, hainbat biztanleria maila eta erakunde (sozialak, elkarteak, erakundeak, etab.) elkartzeko eta adosteko plataforma izateko, eta, bestetik, proiektu eta ekimen desberdinetarako esparru operatibo bat ezartzeko.
Plan horren barruan, oraingoz partzialki ekingo zaie jarduketei, hala nola, ekipamendu plana, Bretxa eta bere ingurua, zuntzaren hedapena, eta plan berezi berriaren idazketa.

Amara auzoan dagoen trenbide geltokiaren erabilera amaitu ostean, Euskal Trenbide Sareak (ETSk) gune horretan hiri espazio berria sortzeko asmoa du.

Hiri berroneratzeko hirigintza jarduera bat egin nahi da Añorga Txikin, eta bertako hirigintza plangintzan aurreikusita dago lurzati batean babes ofizialeko etxebizitzak garatzea.

Hirigintza garapena eta urbanizazio prozesuak abian jartzea Añorgako Geltokia, Illarra, Igara, Infierno, Aldakoenea, Loiolako Lorategi Hiria eta Antzita bezalako eremuetan.

Espainiar Gobernuarekin negoziatzen jarraitzea Loiolako kuartelek okupatutako lurren kalifikazioa aldatzeko eta 1600dik gora etxebizitza izango dituen auzo berritzaile bat eraikitzeko.

Hirigintza Antolaketarako Plan Orokorraren (HAPO) berrikusketan Mundaizeko eremurako kalitatezko plangintza arkitektoniko berri bat jasotzea.

Nazioarteko taldeei zuzendutako lehiaketa ireki bat egitea, Plan Berezi bat egiteko eta plan hori ingurune naturalari zabaltzen zaion atea izateko eta hiri mailako erabilerak hartzeko.

Ingurune hori eraldatu, lorategiak, plazak, espazio libreak, ekipamendu komunitarioak eta hirugarren sektorekoak, igogailuak eta eskailera mekanikoak, oinezkoen mugikortasuna errazteko eta bide-konexio berriak, baita garajeak eta etxebizitzak eraikitzea ere San Bartolomen.

Espainiar Gobernuari eskatzea espetxeko lursailaren  lagapena egin  dezan Txominenean 2. faseari ekin ahal izateko eta Martutene auzoan etxebizitza berriak egin ahal izateko. 419 etxebizitza eraikitzea aurreikusten da (182 babes ofizialekoak, 91 tasatuak eta 146 libre)

Ibai parkea eta 1. fasea amaitzea Txominenean

Jolastokietatik Eskusaitzetara lekuz aldatzea Zardoya Otis lantegia.