Hiri jasangarria
Hiriek eginkizun garrantzitsua izango dute klima aldaketaren aurkako borrokan, eta Donostiak betetzen ditu prozesu horren abangoardian egoteko baldintzak. Pauso irmoak eman nahi ditugu ekonomia eta ingurumen aldetik sostengagarria izango den hiri baterantz, eta bereziki azpimarratu nahi dugu munduko klimaren aldaketek gure hirian izango dituzten ondorioen aurkako borroka.
Hiria, bizikidetza gune nagusia den aldetik, prestatu egin behar da horretarako, eta jarduera kaltegarria murrizteko konpromisoak bete behar ditu. Horretarako, botere publikoek neurri irmoak hartu behar dituzte, eta, aldi berean, herritarrak sentsibilizatzen lagundu, ohitura aldaketak benetazkoak izateko.
Kontu ematea
Uliako haztegiak
- Kalitatezko enplegua eta garapen ekonomikoa
14.500 m² ditu Ulia pasealekuaren hasieran Uliako haztegiak bezala ezagutzen dugun eremuak . Parke barruko haztegiak Donostiako lorategi publikoetarako landare hornitzaile izan ziren XX. mende osoan, 2008an Udalak udal haztegi horiek Lauazietara eraman zituen arte.
2010. urteko Plan Orokorrean prezio libreko etxebizitzen garapena aurreikusten da gune horretan.
Aurreko legegintzaldian gazteentzako zuzkidurak sartzea planteatu zen.
2019-2023 gobernualdian bizilagunen eskaerari erantzunez, gune honen erabilerak berraztertzea eta lantzea erabaki zen.
Gastua
Proiektuaren egoera
Azken eguneratzea: 2023/02/28
Egoera: Abian
Aurrerapen maila:
%5
Mugarriak
-
2019
Uztailean, Sorobordako eta Buskandoko ur-biltegiak babes ertaineko kultura ondasun izendatu zituen Eusko Jaurlaritzak, monumentu multzoaren kategoriarekin.
Aranzadi Zientzia Fundazioari bere egoitza sortzeko espazioa eskaini zitzaion. Elkarte honek 8,5 miloi euroko proiektua aurkeztu zuen, gordailuak babesteko soilik. Egoitza lursail horretara ez eramatea erabaki zen, finantzaketarik ez zegoelako.
-
2020
Urrian, Udalak bilera egin zuen Uliako Baratzak elkartearekin, parke publikoaren baldintzak eta erabilera zehazteko, bai eta erantzukizunak eta alderdien arteko harremanak zehazteko ere.
-
2022
Azaroan eremu hori Hiri Antolamenduko Plan Orokorraren aldaketa puntualean txertatu zen, haren garapena aztertzeko, beti ere gordailuak babestuz eta bertako eraikinetan, egun daukaten egoeragatik, dagoen esku hartzeko beharra kontuan hartuz.