Kontsumo arloa
Nor gara
Donostiako Udalaren Kontsumitzaileen Informaziorako Udal Bulegoaren (KIUB) helburua da herritarrek kontsumoaz egiten dituzten kontsultei eta erreklamazioei erantzutea.
Zer eskubide dut nik kontsumitzaile izateagatik
- Osasuna babesteko eta bizi-kalitatea, segurtasuna eta ingurumen egokia izateko eskubidea.
- Bidezko interes ekonomikoak eta sozialak babesteko eskubidea.
- Informazioa, hezkuntza eta prestakuntza izateko eskubidea.
- Ordezkaritza, kontsulta eta partaidetzarako eskubidea.
- Babes juridikoa izateko eskubidea.
Zer egiten dugu
KIUBek egiten dituen lanak
- Kexak eta erreklamazioak aztertzea eta izapidetzea.
- Alderdien arteko bitartekaritza egitea kontsumo-gatazkak konpontzeko.
- Kontsulten arreta pertsonalizatua. Idatziz, telefonoz edo bulegora joanda egin daitezke kontsultak. Askotan, unean bertan konpon daitezke kontsultak; baina, beste batzuetan, dokumentazioa aztertu egin izaten da eta, beraz, erantzuna atzeratu egiten da.
- Beste zerbitzu batzuk: Kontsumo produktu eta zerbitzu batzuen gaineko dibulgazio-liburuxkak argitaratzea, informazio-kanpainak egitea, ikastetxeetan jarduera batzuk egitea, hezkuntza-materiala eskaintzea, lege eta prestakuntza arloetako artxiboa izatea, Kontsumoko Arbitraje Batzordeari laguntzea eta kontsumitzaileen elkarteekin lankidetzan aritzea.
Gure zerbitzuak
Hauek dira herritarrentzat arlo honetan eskaintzen ditugun zerbitzuak.
Kontaktuko datuak
Mandasko dukearen pasealekua, 12,
20012 Donostia
Telefonoa: 943 481 356
Helbide elektronikoa: udala_omic@donostia.eus