Kontrabaxua

Kontrabaxua biolinaren familiako instrumentua da, nahiz eta biolonean duen jatorria, zango biolaren familiakoa.

Lau hari ditu eta atzamarrez zein arkuz jotzen da. Bere moldakortasunari esker, era askotako taldeetan parte hartzen du: orkestretan, bandetan, ensembleetan, ganbera taldeetan, jazz musikan, herri musikan, besteak beste.

Haria pultsatzean, dela arkuarekin dela atzamarrekin, bibrazioa zubiaren bidez instrumentuaren kaxara transmititzen da. Kaxak bibrazio hori anplifikatzen du eta soinua "efe" izeneko zuloetatik ateratzen da.

Bigarren ikasturtetik aurrera, ikasleak talde batean jotzeko oinarrizko ezagutzak ditu.