Breadcrumb

Ezkerreko Banerra

Gazteentzako eta 45 urtetik gorakoentzako enplegu-politika aktiboak sustatzea.

2.Gazteentzako eta 45 urtetik gorakoentzako enplegu-politika aktiboak sustatzea.

Ekonomia aldetik egoera onean dela erakusten dute Donostiako datuek: EAEko hiriburuetako langabezia-tasarik txikiena du, bataz besteko errentarik altuenak, ekintzailetzarako inbertsio-tasa handiak eta BPGaren % 3,6 I+G+Brako jarrita (Espainiako eta Europar Batasuneko batezbestekoaren oso gainetik: % 1,4 Espainian eta % 2 Europar Batasunean).

Baina, oraindik ere badira kalitatezko enplegu egonkorra aurkitzeko zailtasun handiak dituzten kolektiboak (45 urtetik gorakoak, emakumeak eta gazteak). Horregatik, Udalak kalitatezko lanpostuak sortzeko ahaleginak egingo ditu, kalitatezko enplegu gehiago izateak desberdintasunari aurre egitea eta gizarte-kohesioa sustatzea esan nahi baitu.

Industria-jarduera punta-puntakoa eta berritzailea bultzatuko dugu, eta, horretarako, enpresa berriak etortzea eta teknologia eta jasangarritasun poloak sortzeko modua ekarriko duen industria-lurzorua sortuko dugu. Tokiko merkataritzaren eta ostalaritzaren garapena bultzatuko dugu, auzo guztietan aberastasuna eta enplegua sortzeko sektore garrantzitsu gisa bultzatzen eta sustatzen jarraituko baitugu. Eta lanean jarraituko dugu Donostia nazioartean erreferentzia izan dadin zientzian, berrikuntzan eta ezagutzan, talentua eta inbertsio publiko-pribatua erakar ditzan, aurrerapena, hazkundea eta aberastasuna sortzeko.

Eduki publikatzailea

Proiektu guztiak

Begiratu planeko proiektu guztiak, edo erabili eskuineko menua edo bilatzailea zure kontsulta iragazteko eta doitzeko

Belaunaldi-txanda sustatzea

Dendetan belaunaldi-txanda sustatzeko neurriak abian jartzea, hiriko merkataritza-aberastasunari eta gure auzoetako kaleetako bizimoduari eusteko.

Tokiko merkataritza dinamizatzea

Donostiako tokiko merkataritzaren balioa azpimarratzeko eta saltoki txikietan kontsumoa aktibatzen laguntzeko dinamikak eta ekimenak sortzea.

Eskusaitzeta: Gipuzkoako industria-parkerik handiena

Eskusaitzetan aurreikusitako garapenak bukatu eta urbanizatzea. Teknologia eta industria aldetik puntakoak diren enpresak ezartzeko bidea jartzea.

Hirian diren merkataritza-eremuak biziberritzea

Hiri-bilbean eta merkataritza-sarean biltzea hirian diren merkataritza-eremuak, eremu horien erakargarritasuna pizteko eta handitzeko.

Ikerketa kuantikoko polo berria Donostian

Ikerketa kuantikoko poloa bultzatzea IBM – Euskadi Quantum Center-ekin eta DIPC-en eraikin berriarekin, elementu traktore eta kuantika aldetik erreferente izateko nazioartean.

Ikus-entzunezko sorkuntzako HUBa

Ikus-entzunezkoen sorkuntza eta ekoizpen ekosistema bat sortzea; inbertsioak, talentua, industria eta enplegua erakartzeko beste gune bat izateko.

Industria- eta enpresa-parkeak garatzea eta handitzea

Industria- eta enpresa-lurzoru gehiago ematea hiriari, kalitatezko enplegu egonkorra sortuko duten industria berriak ezartzeko modua izateko.

Ostalaritza-sektorea erregulatzea

Ostalaritzako negozioen garapen ordenatua eta orekatua arautzea, oreka bermatzeko sektoreak hirian duen hazkundearen, espazio publikoen erabileraren eta herritarrek atseden hartzeko duten eskubidearen artean.

Hiriko produkzio- sarearen zerbitzuko prestakuntza

Programa eta ekimen batzuk sortzea hezkuntzan; unibertsitateekin, lanbide-heziketako zentroekin eta elkargoekin lankidetza indartu eta zientzian, teknologian, ingeniaritzan eta matematikan (STEM) bokazio berriak izatea sustatzeko.

Lana bilatzen laguntzea

Eragile ekonomikoekin lankidetzan aritu eta ekimen batzuk bultzatzea, lan-merkatuan sartzeko zailtasun handienak dituzten kolektiboei kalitatezko enplegua aurkitzeko edo negozio bati hirian ekiteko aukera izateko.

Gazteentzat kalitatezko enplegua izatea sustatzea

Bazterkeria-egoeran dauden gazteak lan munduan sartu eta enplegua izateko aukerak sortzea, Sustapen Baltzuaren eta Gipuzkoako Foru Aldundiaren Elkarrekin Lanean estrategiaren bidez.