Hiri proiektuak

Udal Zerbitzuen izapidetze elektronikoa osatzeko Plan bat osatu eta garatu, kudeaketaren eraginkortasuna, gardentasuna eta kontu ematea bermatzeko.

Erabilera handiko hiriko puntu enblematiko hori eraldatu eta Uliako magalean integratuta izango den gune handi bat bihurtzea; berdeguneak, begiratokia eta jolas-jarduerak egiteko eremu irekiak izango dituena.

Ingurune berriak urbanizatzea eta oinezko bihurtzea, Donostiak kalitatezko hiri-espazio berde eta adiskidetsu gehiago izan ditzan.

Hiri-mugikortasun berriari ekitea, Isuri Gutxiko Eremua (IGE) definituz eta abian jarriz, eta Hiri Mugikortasun Jasangarriaren Plana berrikusiz eta eguneratuz.

Webgune berria HAZI, egoitza elektronikoa eta Nire Karpeta proiektuekin batera eta lerrokatua garatzea, baita kanal honen kudeaketa sistema berria ere.

Kultura arteko hiria, aniztasuna balio positibotzat sustatzen, errespetatzen eta onartzen duena, eta donostiar guztien arteko interakzioa sustatzen duena, eskubideen, betebeharren eta aukeren berdintasuna sustatuz.

Donostia giza eskubideen defentsan nazioarteko erreferente izan dadin lanean jarraitzea.

Kanpoko eragileekin lankidetzan, herritarren partaidetza eredua aztertu eta eguneratzea, egungo gizarte-errealitatera egokitzeko eta herritarrek udal-gaietan parte hartzea sustatzeko.

Eusko Jaurlaritzarekin eta Gipuzkoako Foru Aldundiarekin batera, Anoetako kirol hiria eta Illunbe konplexua erabat berritzeko proiektua abian jartzea Gipuzkoako erabilera anitzeko pabilioia izan dadin Illunbe.

​​​​​Donostia turismo-helmuga jasangarri eta donostiarrentzat onuragarri gisa zainduko duten neurri aitzindariak abian jartzea.

Klima-aldaketaren aurkako borrokaren alde egitea, ondare berdea (birika berdeak, parkeak eta lorategiak) eta biodibertsitatea zainduz.

Teknologia aurreratuko enpresa berrien ezarpena erraztea, Miramongo Parke Teknologikoaren egungo gaitasunari beste 40.000 m2 erantsita Galarreta eta Illunbe aldera.

Udal!nfo - Herritarrentzako Arreta Zerbitzuaren bulego moderno eta oso bat abian jartzea Udalaren bulegoetan. Instalazio berri horiek Udalaren arloetako izapideen arreta eta kudeaketa bateratuko dituzte. Gainera, aurrera egitea Herritarrentzako Arreta Integraleko Zerbitzuaren ezarpenean. Zerbitzu horrek udal-zerbitzu guztien lehen mailako arreta zentralizatuko du, eta herritarrentzako erreferentea eta Udalera sartzeko atea izango da.

Hizkuntza-normalizazioarekin konprometituta jarraitzea, hiriko hizkuntza paisaia euskaldundu, euskaraz ulertzen duten herritarren ehunekoa handitu (gaur egun %66 da), erabilerarako gune babestuak eskaini eta gainerako hiriburuentzat erreferente izan.

TOPOaren pasabidea eta Easoko geltoki berria egindakoan, orain den trenbide-zabaltzak hartzen duen tokia berreskuratu eta berrurbanizatzea, Amara – Erdialdea eta inguruko berdegune eta bizitegi-eremuak lotuko dituen gune berri bat sortuz.

HAPO berria definitzea eta onartzea, honako hauek zehazteko, besteak beste: hirigintza-planak, proiektu berrietarako esparru orokorra, euskararen erabilerarekiko inpaktua, turismo-ostatu berriak irekitzeko mugak edo etxebizitzen eraikuntza-bolumena optimizatzea hurrengo urteetarako.

Bizitegi-eremu handi bat sortzea hirigintza-kontzeptu berrietan oinarrituta; etxebizitza berriak, komunitate-ekipamenduak, merkataritza-jarduera, berdeguneak eta oinezkoen, bizikleten eta ibilgailuen mugikortasun modu jasangarriak izango dituena. Loiola eta Intxaurrondo Ametzagainaren bidez lotuko dituen gune berri bat.

Hirian kalitatezko enpleguaren sorrera sortzea eta erraztea, batez ere zailtasun handienak dituzten kolektiboentzat: 45 urtetik gorakoak, emakumeak eta gazteak.

Donostia nazioarteko erreferente izaten jarraitzea zientzian, ezagutzan, berrikuntzan eta ikerketan, donostiarrentzat aberastasuna eta kalitatezko enplegua sortzeko ardatz bultzatzaile gisa.

Gizarte Zerbitzuen Sistemak oraindik ezagutzen ez dituen adineko pertsonak eta pertsona kalteberak hobeto eta gehiago ezagutzeko neurriak ezartzea. Kasu isolatuak detektatzeko proiektuak bultzatzea.

Udaltzaingoaren baliabideak indartzea hurbileko zerbitzua hobetzeko eta segurtasunaren inguruan sortzen diren premia berriei erantzuteko.

Donostia kalitatezko tren-zerbitzuez hornitzea, garraio publikoaren erabilera sustatzeko ibilgailu pribatuaren aurrean, Gipuzkoa, Euskadi eta Estatuarekiko konexio hobeei esker.

Artistaren jaiotzaren mendeurrena ospatzea, Chillidaren ondare artistikoa eta Donostiarekin duen harreman estua balioesten dituzten hainbat ekitaldirekin.

Kultur etxeen eraldaketari eta bilakaerari buruzko hausnarketa irekia egitea, eskari eta behar berriei zerbitzua emango dien kultur ekipamendu komunitarioen eredu berri baten barruan.

Manteo eremua biziberritu eta berriro urbanizatzea, etxebizitza berriak sortzeko, irisgarritasun-hobekuntzak egiteko eta BCCren (GOe) ekipamendu berria integratzeko. Ekosistema gastronomikoa bultzatzea, zientzia, berrikuntza, prestakuntza aurreratua eta ekintzailetza integratuz.

Etxebizitza berriak sortzeko aurreikusitako planak garatzea, 2033rako 6.000 etxebizitza berri sortzeko helburua betetzeko. Era berean, dagoeneko eraikita dagoen ondarea birgaitzea, banantzea eta egokitzea erraztuko duten araudiak definitzea.

Amara eta Martutene arteko Urumea ingurua bere onera ekartzea. Bizitegi-garapen eta aisialdi-eremu berriak abian jartzea.