Errausketen igoera kontuan izanik, hilerrian errautsak uzteko leku egokia sortzea. Horretarako gaur egun fosak dauden kokapena da egokiena.

Enplegatuen errendimendu, motibazio eta prestakuntza handiagoa ekarriko duten karrera profesionaleko sistemak ezartzea.

Arauak betetzen dituzten Gizarte Larrialdietarako diru-laguntza guztiak (GLL) eta udal diru-laguntza guztiak ematea (APTC).

Hondakin-urak kudeatzeko sarea hobetzea, batez ere Loiolako Hondakin Uren Araztegia (HUA) eta hiriko beste toki batzuetako kolektoreak.

Hiriko hornidura sarea berritzea, jariorik eta hausturarik ez izateko eta kontsumoa optimizatzeko.

Birziklatze-ehunekoak handitzea, hondakinen bilketa optimizatuz eta edukiontzi organikoaren erabilera sustatuz.

Gure azpiegitura berdeen kontserbazioa eta mantentzea lantzea, bero-uharteei aurre egiten lagundu eta airearen kalitatea garbitzeko guneak izan daitezen. Zuhaiztia handitzearen eta mantentze eta zaintza hobetzearen alde egitea.

Bizikleta-bideen egungo sarea handitzea.

Plan berria egitea, honako hauek jasoko dituena: etorkizuneko bizikleta-sarea diseinatzea, bizikleta-aparkaleku seguruak izatea, bizikleta-sarea modelizatzea.

Jasangarritasun Energetikoari buruzko 4/2019 Legea betetzeko ekintzak garatzea; udal-eraikinen, komunitateen eta etxeen energia-eraginkortasuna sustatuz.

Dbiziren III. hedapen aldia Dbiziren estazio-sarea puntu gehiagotara zabaltzea auzo guztietan, bai eta etxe berriak egindako eremuetara ere.

Hiriaren kanpoaldean, sarbideetatik gertu, aparkatzea sustatzea, erdiko aparkalekuen dei-efektua murrizteko eta, beraz, hiri barruko ibilgailu pribatuen fluxua murrizteko.

Gaur egun diren aparkaleku-plazen erabilgarritasuna eta erabilera aztertzea, kalean nahiz lurpean direnena; tokia libratzeko, oinezkoentzako guneak handitzeko eta egoiliarrek eta salgaiak hirian banatzen aritzen direnek errazago aparkatzeko modua izateko arazoak diren lekuetan.

Aparkaleku publikoetan ibilgailu elektrikoentzako karga-puntuak jartzea planifikatu eta arian-arian martxan jartzea.

Adingabeen, dibertsitate funtzionala duten pertsonen eta, oro har, oinezkoen mugikortasuna hobetzeko estrategiak/neurriak aztertzea eta abian jartzea.

SHBren diagnostikoa egitea eta hura hobetzeko neurri batzuk ezartzea.

Isuri Gutxiko Eremu (IGE) berria eta TOPOaren bide berria abian jarritakoan, Dbusek eta udal-garraioaren zerbitzuak 2030era bitarte izango dituen erronka, proiektu eta modernizazio planaren inguruko hausnarketa eta definizioa egitea.

Eragindako erakundeekin eta eragileekin lankidetzan jardun eta hiriko lantoki nagusietarako mugikortasuna hobetzeko jarduerak abian jartzea.

Gaur egun hirian dagoen taxi-eskaintza modernizatzea, berriz diseinatzea eta handitzea. Taxi-lizentzien jabeekin, Eusko Jaurlaritzarekin, Gipuzkoako Foru Aldundiarekin eta lurraldeko gainerako udalekin lankidetzan arituta.

Irtenbide teknologiko batzuk sartzea hiriko trafikoaren eta ibilgailu-fluxuen kudeaketa optimizatzeko.

Bide-azpiegitura nagusiak pixkanaka eraldatzea, trafiko-eskaria kudeatzeko eta optimizatzeko.

Hizkuntza aniztasuna oinarri hartuz, euskarara hurbiltzeko praktikak abian jartzea. Donostian bizitzen jarri nahi duten pertsonei euskararen balioak transmititzea, komunikazio eta bizilagunen elkarbizitzarako hizkuntza gisa.

Administrazioan euskararen erabilera normalizatzea, herritarrei zerbitzua emateko hizkuntza eta langileen arteko harremanetarako eta lanerako hizkuntza izateko. Euskara kudeaketaren erdigunera eramatea Donostiako Udala euskararen arnasgune bilakatu dadin.

Harrera linguistikorako protokoloa egitea, Donostian bizitzen jarri nahi duten pertsonei euskararen balioak transmititzeko, komunikazio eta bizilagunen elkarbizitzarako hizkuntza gisa.

Gipuzkoako Foru Aldundiarekin eta Eusko Trenbide Sarearekin (ETS) lankidetzan jardun eta puntu intermodalak indartzea, lurraldeko beste herri batzuetara joateko garraio publikoan mugikortasun iraunkorragoa sustatzeko, indartzeko eta errazteko.

Dokumentuak Artxibatzeko eta Kudeatzeko Udal Sistema definitzea eta ezartzea, lege-araudi berrira egokituta.

Udalaren antolaketa eta egitura gizartearen premia aldakorretara egokitzea: eman zaien jarduerari erantzuteko baliabiderik eraginkorrenak emanez eta jarduera-katalogoen ereduak antolatuz eta sinplifikatuz.

Estrategia, zerbitzuak eta emaitzak bata bestearekin uztartuta eta Garapen Jasangarrirako Helburuekin (GJH) lerrokatuta izango den Kudeaketa Publikoaren Eredua ezartzea, hizkuntza herritarrekin eta eragileekin bateratzeko.

Integritate publikoaren eredu bat ezartzea alderdi guztietan, Gardentasun Plana aplikatuz eta Iruzurraren aurkako Planaren jarduketak osatuz. Gardentasun helburua: estatuko aurreneko 3 hiriburuen artean egotea gardentasun rankingean.

Plantillaren dimentsionamendua aztertzea, bitartekotasuna murriztea eta enplegu egonkorra eta kalitatezkoa sustatzea, eta lanbide-profilak beharrizan berrietara egokitzea.

Herritarrentzako Arreta Zerbitzua eta haren kudeaketa-tresnak hobetzea. Gogobetetasun-maila 10etik 8 izatea. Ekitate digitala bultzatzea.

Emakume batzuen lana ikusaraztea, haien ekarpenak ezagutaraziz eta gure kaleetan duten presentzia indartuz.

Emakumeen aurkako indarkeria mota ororen kontra borrokatzea, kaleak eta espazio publikoak seguruago bihurtuko dituzten ekimenen bidez. Hezkuntza sustatzea, prebentzio eta sentsibilizazio tresna gisa.

Berdintasuna Udaleko arlo guztietan, gobernuan eta hiriko egunerokoan txertatzen jarraitzea.

Polizia-erantzun azkarreko eta sexu-erasoen biktimei berehalako arreta emateko protokolo espezializatua finkatzea. Sexu-erasoen biktimen arretarako gunea hobetzea eta zerbitzua indartzea. Haur eta nerabeek ere indarkeria honetatik babesteko betebeharrak aintzat hartuta, udaleko barne komunikazioa eta koordinazioa indartzea protokoloak aktibatu eta erantzun hobeak emateko.

Aurrekontu-egonkortasunari eta finantza-iraunkortasunari buruzko arauak betetzea (defizita 0, hornitzaileei ordaintzeko batez bestekoa, gastu-araua).

Emakumeen Etxea egoitza berri batera aldatzea Amara kalean. Eskaintzen dituen zerbitzuak eta haien izaera aztertzea, eskari eta behar berrietara egokitzeko.

Politika, programa eta jardueretan diskriminaziorik ez dagoela bermatzea, eta herritar guztien eskubide politiko, sozial eta ekonomikoen erabilera erraztea.

Hiriaren historian giza eskubideen memoria kolektiboa zabaltzeko ekimen pedagogikoak garatzea.

Bizikidetza eta kulturen arteko elkarrizketa sustatzea, xenofobia eta arrazakeria prebenitzeko.

Sexu-orientazioagatik eta genero-identitateagatik diskriminatzeari aurrea hartzea; politiken, kanpainen eta LGTBI+ erakundeen eta haien ekimenen babesaren bidez.

Udalaren lankidetza bultzatzea, Udalaren aurrekontuaren % 0,7 lankidetzarako izan dadin.

Donostia 2030eko Munduko Futbol Txapelketaren egoitza izateko hautagaitza bultzatzeko mekanismoak eta ekimenak aktibatzea.

Amara Berriko eta Erriberetako dinamika arrakastatsuak hiriko beste auzo batzuetara hedatzea.

Auzoz Auzo bilerak auzo bakoitzeko elkarte eta auzotar guztiengana zabaltzea. Eragile berriak sartzea eta bilera irekiak egitea. Etorkinen kolektiboen artean asoziazionismoa eta parte-hartzea sustatzea.

Aire zabaleko kirol-espazioak bultzatzea, kirol-modalitate berri batzuk egitea sustatzeko.

Ikastetxeekin lankidetzan jardun eta gazteentzako dinamikak sortzea, herritarren parte-hartzea sustatzeko.

Klubekin eta ikastetxeekin lankidetzan aritzea emakumeen kirola sustatzen jarraitzeko, oinarrietatik eliteko txapelketetara.

Kirol Txartelaren prestazioak handitzea, pandemiaren aurreko harpidedun kopurua lortzeko.

Kirol-instalazioak hobetzeko, zaintzeko eta berritzeko plan bat definitzea, eta beste diziplina batzuetan kirola egiteko modua emango duten gune berriak sortzea.

Osasuna eta ongizatea sustatzea kirol-jardueraren bidez, auzoetan eta, batez ere, aire zabalean egiteko programa eta ekimenen bidez.

Kirola eta gizarte-kirola dinamizaziorako programak, proiektuak eta ekimenak abian jartzea Donostia Kirolak, hiriko kirol-elkarte eta eragileekin lankidetzan jardunda.

Hiriko jaialdi handiak gero eta digitalagoa, aktiboagoa eta heterogeneoagoa den publikoaren eskaera berrietara egokitzea.

Donostiako literatura-sorkuntza ezagutaraztea, tokiko idazleen ibilbideen eta haien inspirazio-iturri eta literatura-lanen parte izan diren kale, plaza, negozio edo txokoen bidez.

Arte-adierazpen emergenteek Donostiaren irudia, nortasuna eta kultura-proiekzioa indartzea. Euskal arte-sorkuntza indartzea, Donostia Kultura, Tabakalera, San Telmo Museoa, artistak, galeriak eta arte-eragile publiko eta pribatuen arteko sinergia berrien bidez.

Musika eta dantzaren arloetan, genero, jatorri eta gaitasun desberdinetako pertsonei bideratutako kalitatezko titulazio ofizialik gabeko irakaskuntza eskaintzea.

Tokiko kultura-sarearen erakusleiho bihurtzea Donostia, euskarazko sorkuntza sustatuz eta eskaintza hori Euskaditik kanpoko eremu berrietara esportatzeko tresnak eskainiz.

Instalazio berri batzuk ematea kontserbatorioari, prestakuntza-eskaintza handitu ahal izateko.

Berritze eta hobetze lan batzuk egitea Victoria Eugenian eta Antzoki Zaharrean, haien kultur programazioa eskaintza berritzaile baten bidez handitzeko modua izan dezaten.

Eusko Jaurlaritzaren Etxebizitza Legeak babestutako neurriak abian jartzea, gaur egun hutsik dauden etxebizitzak higiezinen merkatura ateratzeko.

Kultur etxeen eta liburutegien sareko ekipamenduak handitzea eta berritzea, auzo bakoitzeko kulturaren erreferentzia-puntuak izateko aurrera ere.

Gazteei etxebizitza eskuragarriak (ekipamenduetarako apartamentuak, dagoeneko eraikita dauden etxebizitzak berreskuratzea, alternatiba berriak...) eskaintzen dizkieten neurri berriak abiaraztea.

Orain den Etxebizitza Plan Zuzentzailea berriz begiratu eta eguneratzea, hiriak dituen eta izango dituen beharretara egokitzeko.

Oinezkoentzako gune batzuk berreskuratzea: TOPOa lurperatu eta GI-20 errepideak Marrutxipitik izango duen sarbide berria egindakoan sortuko direnak.

Klima aldaketak ekarriko dituen ondorioak kontuan izan eta hiri-itsasertzeko elementuak monitorizatzeko, egokitzeko eta prebentziozko mantentze-lanak egitea.

Alokairuko etxebizitza gehiago izatea, modu onean hartu ahal izateko batez ere gazteek.

HAPO berrian Auditz-Akularrerako behin betiko plangintza zehaztea. Ingurunea errespetatzeko moduko hirigintza-garapena; eremu berdeak, ekipamendu komunitarioak eta erreferentziazko instalazioak izango dituena, teknologia, berrikuntza eta kalitatezko enplegua erakartzeko modukoak.

Dendetan belaunaldi-txanda sustatzeko neurriak abian jartzea, hiriko merkataritza-aberastasunari eta gure auzoetako kaleetako bizimoduari eusteko.

Donostiako tokiko merkataritzaren balioa azpimarratzeko eta saltoki txikietan kontsumoa aktibatzen laguntzeko dinamikak eta ekimenak sortzea.

Eskusaitzetan aurreikusitako garapenak bukatu eta urbanizatzea. Teknologia eta industria aldetik puntakoak diren enpresak ezartzeko bidea jartzea.

Hiri-bilbean eta merkataritza-sarean biltzea hirian diren merkataritza-eremuak, eremu horien erakargarritasuna pizteko eta handitzeko.

Ikerketa kuantikoko poloa bultzatzea IBM – Euskadi Quantum Center-ekin eta DIPC-en eraikin berriarekin, elementu traktore eta kuantika aldetik erreferente izateko nazioartean.

Ikus-entzunezkoen sorkuntza eta ekoizpen ekosistema bat sortzea; inbertsioak, talentua, industria eta enplegua erakartzeko beste gune bat izateko.

Industria- eta enpresa-lurzoru gehiago ematea hiriari, kalitatezko enplegu egonkorra sortuko duten industria berriak ezartzeko modua izateko.

Ostalaritzako negozioen garapen ordenatua eta orekatua arautzea, oreka bermatzeko sektoreak hirian duen hazkundearen, espazio publikoen erabileraren eta herritarrek atseden hartzeko duten eskubidearen artean.

Programa eta ekimen batzuk sortzea hezkuntzan; unibertsitateekin, lanbide-heziketako zentroekin eta elkargoekin lankidetza indartu eta zientzian, teknologian, ingeniaritzan eta matematikan (STEM) bokazio berriak izatea sustatzeko.

Eragile ekonomikoekin lankidetzan aritu eta ekimen batzuk bultzatzea, lan-merkatuan sartzeko zailtasun handienak dituzten kolektiboei kalitatezko enplegua aurkitzeko edo negozio bati hirian ekiteko aukera izateko.

Bazterkeria-egoeran dauden gazteak lan munduan sartu eta enplegua izateko aukerak sortzea, Sustapen Baltzuaren eta Gipuzkoako Foru Aldundiaren Elkarrekin Lanean estrategiaren bidez.

Eskolako jolaslekuen erabilera ekitatiboagoa sustatzea, haietan egiten diren jarduerek eta diren lekuen banaketak haurren arteko harremanak berdinagoak izateko modua eman dezan.

Eusko Jaurlaritzako Osasun Sailarekin eta Osakidetzarekin lankidetza estuan, aurreikustea eta planifikatzea orain diren osasun-zentroetan mantentze eta hobekuntza lanak egitea eta zentro berriak eraikitzea.

Eusko Jaurlaritzako Osasun Sailarekin eta Osakidetzarekin lankidetzan aritzea hirigintza-jarduketak egikaritzeko eta zerbitzuak egokitzeko.

Gizarte-bazterkeria egoeran diren gazteak gizarteratzeko, etxebizitza eskuratzeko eta laneratzeko aukerak sortzea, lan-programa batzuen bidez.

Erreferentziazko beste erakunde eta eragile batzuekin batera, gazteen osasun emozionalean arreta jarriko duten programak eta ekimenak aktibatzea.

Haurren eta, bereziki, babesgabetasun eta pobrezia egoeran dauden familia eta adingabeen prebentzio, arreta, esku-hartze eta babes programak hobetzea eta indartzea.

Bazterkeria-egoeran diren etxerik gabeko pertsonentzako udal programak eta zerbitzuak handitzea, indartzea eta hobetzea, gizarteratzen laguntzeko. Genero ikuspegia kontutan hartu proiektu osoan, emakume eta gizonen beharrak eta zaurgarritasunak ez baitira berdinak kale egoeran.

Auzo bakoitzaren hurbileko ingurunean jarduten duten kolektibo eta zerbitzuen partaidetza-dinamika hori bultzatzea, beharrei modu komunitarioan erantzuteko.

Auzo batzuetako erretiratuen etxeetako lokaletan hobekuntza-obrak egitea. Administrazio eta lege gaietako laguntza, kudeaketa eta aholkularitza hobetzea.

Bitzitza osoa eta gizarte-harremanak bultzatzea, adineko zaurgarrien bizi-kalitatea hobetzeko.

Adinekoei arreta emateko programak eta zerbitzuak indartzea, bai beraien etxean bertan, bai eskura dituzten gizarte-ostatuetan, kalteberatasun-egoerak ahalik eta gehien murrizteko. Zeharkako erantzunkizuneko zainketa publiko-komunitario eredu baterantz joatea.

Babes zibilean eta larrialdietan esku hartzen duten gainerako agentziekiko lankidetza areagotzea.

Teknikari/administrari bakoitzak kasu egindako pertsona ratioa murriztea. Gizarte Zerbitzugune batzuetan egin daitezkeen hobekuntzak egitea.

Herritarrenganako komunikazio kanalak eta sistemak hobetzea, bai larrialdi-egoeretarako, bai eta prebentzio eta dibulgazio-ekintzetarako ere.

Larrialdietako eta babes zibileko planak eguneratzeko urte arteko planarekin jarraitzea.

Ingurumenarekin arduratsua den merkataritza iraunkorraren alde egitea, eta erreferentziako eta bikaintasunezko ostalaritzaren alde egitea, enplegua sortzeko eta erakartzeko jarduera gisa.

Prestakuntza aurreratua ematea segurtasunaren eta babes zibilaren arlo espezifikoetan, herritarrei eskaintzen zaizkien zerbitzuak hobetzen jarraitzeko.

Donostia helmuga jasangarri eta orekatu bihurtzen jarraitzea, eta auzo guztiei mesede egingo dien turismo arduratsu eta errespetuzkoa ere sustatzea.

Auzoetako bizitza hobetzea, herritarrekin partaidetza-prozesuetan egindako Aktibazio eta Hobekuntza Planen bidez.

Garraio bertikaleko sistemen eraikuntzan aurrera egitea, desnibel geografikoak dituzten auzoetako irisgarritasuna hobetzeko.

Talka-planei aurrekontua ematea, mantentze-lanak eta aurreikusitako obrak egiteko. Sailen arteko lankidetzaren plangintza eta gauzatzea optimizatzea. Auzokideekin elkarlanean aritzea, haien lehentasunak kontuan hartuta.

Oinezkoentzako gune berriak sortzea, kalitatezko gune atseginago batzuk berreskuratu eta mugikortasun aktiboa eta osasungarria sustatzeko.

Udaltzaingoaren eta Ertzaintzaren arteko lankidetza handitu eta areagotzea, hiriko segurtasun-ratioak hobetuko dituzten sinergiak sortzeko eta hurbileko polizia-zerbitzu hobea eskaintzeko.

ETSrekin, Renferekin eta Gipuzkoako Foru Aldundiarekin batera, hiriko hainbat tokitan tren- eta bide-trafikoaren soinu-inpaktua minimizatzeko neurriak bultzatzea.