Norberto Arrigain Erregueche (Donostia, 1899ko ekainaren 6a - Tolosa, 1976) argiketaria izan zen. Gerra Zibilaren aurretik, Adunako zentral elektrikoan lan egin zuen, eta 1928az geroztik, Ataungo zentralean (Indarretxe).

1936ko uztaileko kolpe militarraren eta Nafarroako erreketeak Ataunen sartu ondoren, Norberto Arrigainek ihes egin zuen eta mendian ezkutatuta egon zen hamabost bat egunez. Geroago, Bixente Agirre aguazilak Tolosan ezkutatu zuen, baina atxilotu eta Ezkabako San Cristobal espetxera eraman zuten.

Kartzelan egon zen bitartean, Carmen emaztea Ataungo zentralean egon zen seme-alabekin, Tolosara itzuli ziren artean. Arrigain aske utzi zuten Tolosa eta Ataungo apaizek egindako gestioen ondoren, baina Langileen Batailoian bete zuen zigorra ezarri zioten, Otsaurt eta El Escorialeko destinoekin.

Zigor hori bete ondoren, argiketari lanetan jarraitu zuen RENFEn. 1976an hil zen Tolosan, oinezkoen pasabide batean izandako harrapaketa baten ondorioz.