TAO - Aparkatzeko baimena aldatzea
- Helbide berria (*jarduerak ezik)
- Matrikula berria
- *Jarduera ekonomikoa helbidez aldatzen bada: bajaren berri
Mugikortasun Zuzendaritzari eman eta beste eskabide bat egin behar da.
OHARRA:
Gogorarazten da, egoiliarren eta mugikortasun urriko pertsonek gidatutako ibilgailuen kasuan, derrigorrezkoa izango dela dagokion bereizgarria, aurreko haizetakoaren beheko eskuineko angeluan jartzea, baimena jakinarazten denetik 30 egun naturaleko epean. Epe hori igarotakoan, bereizgarririk gabe aparkatzea arau-haustea izango da.
Norentzat
Interesdunak edo bera ordezkatzeko baimena duenak.
Beste pertsona bat baimen dezakezu tramite hau zure izenean egin dezan. Horretarako ordezkaritza baimen hau bete beharko duzu.
Ordezkaritza iraunkorragoa eman nahi baduzu, ordezkarien erregistroan egin dezakezu.
Noiz eskatu
Urte osoan zehar
Beharrezko agiriak
a) Ibilgailua leasingean edo errentan badauka:
- Leasing edo errenta kontratuaren kopia.
b) Enpresak lagatako ibilgailua badauka:
- Eskatzailearen eta enpresaren arteko lan harremana egiaztatzeko dokumentua.
- Enpresaren baimena, ibilgailua berak bakarrik eta lanorduetatik kanpo erabili ahal izateko.
c) Jabeak gidabaimenik ez badu eta etxebizitza berean bizi bada: lehen mailako odolkidetasuna badute, senar-emazteak edo izatezko bikotekideak badira, edo gidaria jabearen legezko tutorea edo soldatapeko laguntzailea bada eta ibilgailuaren jabeari laguntzeko eginkizuna badu.
- Ibilgailuaren jabearen baimena, ibilgailua erabili ahal izateko.
- Familia liburua edo harremana egiaztatzeko beste dokumentu bat, kasuan kasukoa.
Oharrak:
- Udalak eskubidea du edozein froga dokumental eskatzeko, eta/edo aparkatzeko baimena eskuratzeko eskatzaileek aurkeztutako datuak egiazkoak direla ziurtatze aldera beharrezkoak diren egiaztapenak ofizioz egiteko.
- Izapide honetan zehaztutako inprimaki edo formulario espezifikoa erabiltzea derrigorrezkoa da.
Eranskinen gehienezko tamaina: 10 Mb
Ordaindu beharreko kopurua
Ibilgailuak udal bide publikoetan aparkatzeari dagozkion tasak (TAO)
**2026ko urtarriletik aurrera indarrean dagoen eranskina
Eranskina I. Tarifa guneen arabera sailkatutako kaleen zerrenda
Ebazteko epea eta isiltasunaren zentzua
Aurreikusitako epea: 7 egun
Legezko epea: 3 hilabete
Isiltasunaren zentzua: Aurkakoa
Prozeduraren urratsak
- Eskabidea eta agiriak erregistratzea
- Baldintzak betetzen direla egiaztatzea
- Agiriak zuzentzea, horrela badagokio
- Baimenaren aldaketa ematea
- Tasa ordaintzea
Izapideen arduraduna
Araudia
Datuen babesa
Tratamenduaren arduraduna
Identitatea: Donostiako Udala - IFK P2007400A
Helbidea: Ijentea, 1 - 20003 Donostia
Telefonoa: 010 / 943 481 000
Emaila: udalinfo@donostia.eus
Datuen Babesaren Ordezkaria: Donostiako Udaleko Datu Babeserako Ordezkaria
Tratamenduaren xedea
Gordetzeko epeak
Legitimazioa
Hartzaileak
Eskubideak
Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:
- Haien datu pertsonaletara sarbide izateko.
- Okerrak diren edo osatugabe dauden datuen zuzenketa eskatzeko.
- Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
- Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
- Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.
Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.
Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.