Azaroan hiru bisita gidatu egingo dira Artikutzan:

• Azaroaren 10ean, Enobietako presa eta ibaiaren inguruan. Artikutzako auzotik abiatuko gara eta Enobietako presa gainera igoko gara. Bertan, urtegia hustu eta presa kentzearen arrazoiak azaltzez gain, historian zehar inguruneak izan dituen aldaketez jabetzen joango gara.

• Azaroaren 16an (larunbatean), gauez ilargi betearen azpian. Ilargi betea aprobetxatuz,  xarma berezia duen gaueko irteera hau proposatzen dugu. Kasu honetan hitzordua arratsaldeko 19:00etan izango da, Eskasen.

• Azkenik, azaroaren 23an (larunbatean), mikologia irteera. Ibilbide erraz batean eta mikologian aditua den batek gidatuta, gure inguruan hazten den dibertsitate fungikoa ikusiko dugu, eta onddoen bizi-zikloari eta ekosistema batean betetzen duten funtzioari buruz ikasiko dugu.

Informazio gehiago eta izen-ematea