Programa honen helburua da hirian energia berriztagarrien komunitate berriak sortzea, baita lehendik dauden energia berriztagarrien komunitateek instalazio fotovoltaikoetan egin beharreko inbertsioa sustatzea ere.

Ekimen honen bidez, hauxe lagundu nahi da:

• Bizitegi-sektorean energia berriztagarriaren ekoizpena, eraikuntza pribatuan autokontsumoaren ekoizpen berriztagarria bultzatzea. 
• Herritarren subiranotasun energetikoa, asoziazionismoa eta herritarren parte-hartzea sustatzea.
• Udalerriko berotegi-efektuko gasen emisioak murriztea, klima-aldaketari aurre egiteko.

Donostiako udalerrian egoitza soziala eta fiskala duten energia berriztagarrien elkarte eta komunitateek jaso ahal izango dituzte dirulaguntza hauek.

Dirulaguntzen xehetasunak

• Deialdiaren diru-hornidura 99.900 €-koa da guztira.
• Proiektu bakoitzari emango zaion dirulaguntza diruz lagun daitezkeen gastuen % 75 izango da, BEZa barne, betiere energia berriztagarrien elkartearentzat edo komunitatearentzat kengarria ez bada.
• Eskaera bakoitzeko emandako gehieneko zenbatekoa honako hau izango da:

         - 10.000 euro, energia-komunitateak eratzeko eskaeretan;

         - 20.000 euro, eguzki-energia fotovoltaikoko instalazioak martxan jartzeko proiektuetan.

• Dirulaguntza bi zatitan ordainduko da: % 70 organo eskudunak kontzesioa onartzen duen unean, eta % 30 dirulaguntza justifikatzeko eskatutako agiriak aurkeztu eta baliozkotu ondoren.

Dirulaguntzaren azken ordainketa egiteko, laguntza ematea eragin duen jarduera eginda egon behar da, eta oinarriek eskatutako egiaztagiriak 2024ko urriaren 31 baino lehen aurkeztu beharko dira.

Nola eta noiz eskatu?

Eskabideak aurkezteko epea zabalik dago 2023ko abenduaren 4tik 2024ko ekainaren 3ko 14:00ak arte, baldin eta aurretik ez badira agortu jarritako funtsak.

Inprimakiak eta dokumentazioa udalaren webgunearen bidez aurkeztu behar dira.

• Izapideak eta dirulaguntzaren oinarriak
• Amaierako zuriketa