Martxoaren 14an ezarritako mugimenduen murrizketek hiriko airearen kalitatea aztertzeko aukera ematen dute, giza jarduera minimoko baldintzetan. Horrela, NO₂ eta tamaina handieneko partikulen (PM₁₀) mailak aztertu dira, hiri-inguruneetan ohikoenak diren kutsatzaileak direlako.

Zehazki, hirian dauden Eusko Jaurlaritzako Aire Kalitatearen Kontrolerako Sareko sei estazio ofizialen datuak aztertu dira: Añorga, Ategorrieta, Avda. Tolosa, Easo, Puio eta Zubieta.

Aztertutako denbora-tartea martxoaren 30etik apirilaren 12ra bitartekoa da. Aldi horretan, herritarren mugimenduak murriztu ziren oro har, eta funtsezko jarduera ekonomikoei eutsi zitzaien soilik.

Erreferentzia-mailak lortzeko, hau da, hiriak normaltasunez funtzionatzen zuen bitartean erregistratutakoak, aurreko 4 urteetako (2016-2019) batez bestekoak lortu dira tarte berean, Zubietan izan ezik, 2019an hasi baitzen funtzionatzen.

Lotura honetan kutsatzaile bakoitzaren emaitzak aurkezten ditugu.