Irabazi-asmorik gabeko elkarteentzako laguntzak
Intereseko informazioa
Dirulaguntzen deialdia
Udalak Euskararen Ekimen Estrategikoak. Donostiako Plan Orokorra garatzeko dirulaguntzak ematen dizkie irabazi asmorik gabeko elkarte eta erakundeei.
Ematen ditugun dirulaguntzek 3 deialdi izango dituzte:
- Auzoetako plan integralak. Euskara batzordeen plan integralak garatzeko. Auzoaren diagnostikoa egiten da eta lehentasunak ezartzen dira.
- Jarduera zehatzak. Euskararen normalizazioa helburu duten proiektu zehatzak egingo dituzten erakundeentzat.
- Euskararen Eguneko egitaraua. Plan integrala aurkeztu ez duten auzoetan Euskararen Eguneko egitaraua garatzeko.
Euskararen sustapena auzoetan
Donostiako hainbat auzotan euskara batzordeak sortu dira bertan dauden premiei eta beharrei hobeto erantzuteko. Auzo horietan gainera, batzordea euskara auzoan sustatzeko erreferente nagusia izatea da asmoa.
Euskara batzordeen ondoko eragile hauek parte hartzen dute:
- merkatariak
- kultur eragileak
- auzo-elkarteak
- kirol-elkarteak
- euskaltegiak
- ikastetxeak
- guraso taldeak
- gazte taldeak
- norbanakoak
Udalak sustatu ditu batzordeak, eta haien koordinazioaz Bagera elkartea arduratzen da.
Ondokoak dira batzorde hauen egiteko nagusiak:
- auzoaren azterketa eta diagnostikoa egitea.
- Euskararen Plan Orokorra marko gisa hartuta, auzoan euskararen normalkuntzak aurrera egiteko helburu zehatzak finkatzea.
- helburu horiek erdiesteko ekintza plan bat zehaztea.
- ekintzak garatzea.
- jarraipena egitea