Sexu eta genero aniztasuna
Sentsibilizazio- eta prestakuntza-ekintzak, sexu-orientazioagatiko, identitateagatiko edo genero-adierazpenagatiko diskriminazioari aurre egiteko.
Donostiako LGTBI+ errealitateen gaineko txostena
Donostiako Udalak hiriko LGTBI+ errealitateei buruzko txostena aurkeztu du, Donostian bizi diren LGTBI+ pertsonen esperientziak, premiak eta diskriminazio-egoera posibleak hobeto ezagutzeko.
Ikerketak hainbat informazio-iturri konbinatzen ditu:
- kolektibo horretako pertsonei zuzendutako online inkesta,
- elkarrizketak LGTBI+ eremuko adituekin eta ordezkariekin,
- elkarrizketak profil bateko eta besteko pertsonekin eta udal-arduradunekin,
- bai eta parte hartzeko saio bat ere, tokiko elkarteekin egindakoa
301 inkesta jaso ziren, eta horietatik 254 erantzun baliozkotu ziren.
- Parte-hartzaileen % 49k gizona zela adierazi zuen,
- % 35ek emakumea eta
- % 13k queerra.
Sexu-orientazioari dagokionez,
- % 46k gay gisa definitu zuen bere burua,
- % 22k bisexual gisa,
- % 21ek lesbiana gisa
- % 14k ez-bitar gisa.
Txostenak hainbat alderdi aztertzen ditu, hala nola:
- lan- eta ekonomia-egoera,
- ikasketa-maila,
- jatorria eta LGTBI+ pertsonek bizi dituzten errealitateak.
Arlo hauekin lotutako diskriminazio-esperientziak eta premiak ere jasotzen ditu: espazio publikoa, aisia, hezkuntza, enplegua, osasuna, segurtasuna, gizarte-zerbitzuak, kultura eta kirola.
Azterlana Zaira García Dafontek egin zuen.
LGTBI+fobiaren intzidentziei buruzko txostenak
2021az geroztik, Donostiako Udalak urteko txosten bat egiten du, LGTBI+ kolektiboko pertsonen aurka erregistratutako diskriminazio-intzidentziak eta -egoerak jasotzeko.
Txostenaren helburua da kolektiboari eragiten dioten diskriminazio-moduak hobeto ezagutzea eta epe ertain eta luzera izan daitezkeen joerak detektatzea.
Informazio horri esker, politika publiko inklusiboagoak bultza daitezke, sexu- eta genero-aniztasunarekiko errespetua sustatzen dutenak eta pertsona guztien aukera-berdintasuna bermatzen dutenak, bakoitzaren sexu-orientazioa, identitatea edo genero-adierazpena edozein dela ere.
Txostenak Sorginlore Gizarte Elkartearen laguntzarekin egin dira.