Zuhaitz berezia
Zuhaitz Bereziak guztion ondarea dira, donostiarrok dugun aberastasun bizi handia, eta guztion artean zaindu behar ditugu, bizi garen ingurunea beren izaerarekin eta berezitasunarekin aberasten jarrai dezaten.
Kristina Eneako Libanoko zedroa parke osoko zuhaitzik handientsuena da, bere neurri handiak, itxura dotorekoa, bere handitasunean urmaeleko belardian ikus daitekeena. Zuhaitz berezia da, edertasunagatik eta bereizgarritasunagatik nabarmentzen dena.
1864an lorategiaren diseinatzailea izan zen Pierre Ducasse lorezain paisajistaren jarraibideen arabera landatu zen zedro hori. Libanoko lehen zedroa izan zen Donostiara iritsi zena, ia inork ezagutzen ez zuen espezie exotiko urria, eta Bailen eta Ducasseko Dukeen espiritu ilustratuak ekarri zuen hirira.
Banaketa
Libanoko zedroa konifero eder eta dotoreenetako bat da. Ekialdeko Mediterraneoko, Libanoko, Siriako eta Turkiako hegoaldeko mendi hezeetako zuhaitz iraunkorra da.
Deskribapena
Tamaina handikoa da, 40 metrotik gorakoa izan daiteke eta 2,5 metrotik gorako diametroa duen enbor indartsua du, adaburu ireki eta hedatuarekin; zuhaitz helduen enborrak adar handi eta zuten artean banatzen dira. Banako gazteetan, adaburuak piramide-forma du, lehen mailako adarrak goranzkoak dira; gero, forma horizontaleko tamaina askoz handiago bateraino hazten dira, eta, azkenik, antolaketa zabal eta irekia hartzen dute.
Erabilerak
Egurra oso astuna, trinkoa, sendoa, iraunkorra eta usaintsua da, eta antzinatean egur noble gisa erabili zen, nahiz eta oso gutxi izan eta oso garestia izan. Horrek baso-soiltze handia ekarri du. Gaur egun, baso-berritze garrantzitsuak egiten ari dira jatorrizko eremuan, zedro-basoak berreskuratzeko.
Libanoko ikur nazionala da eta parke eta lorategietan zuhaitz apaingarri gisa erabiltzen da. Europan 300 urtetik gorako aleak ikus daitezke, batez ere Britainia Handiko eta Frantziako parke eta lorategietan.
Ekologia
Azkar hazten da 45-50 urte izan arte, eta, ondoren, oso poliki hazten da 70 urte bete arte, adarren forma altuera baino gehiago aldatuz. Ez ditu lehen konoak ekoizten 40 urte bete arte.
Jatorria
Ekialdekoa/Asiakoa
