Ekainarekin batera hasiko da udako denboraldia Hondalean: ekainaren 1etik irailaren 30era arte, egunero izango da aukera Cristina Iglesiasen instalazio artistikoa bisitatzeko. 11:00etatik 18:30era sartu ahal izango da bertan, ordu erditik behin, eta ez da aurrez erreserbarik egin beharko. 

Ospakizun bereziak tarteko, Hondalea itxita edo ordutegia moldatuta egongo da honako egunetan:

• uztailak 16 (Karmengo Amaren eguna)
• abuztuak 10 (Aste Nagusiko Piraten abordatzea)
• abuztuak 15 (Paseo berriko itsas-zeharkaldia)
• irailak 2, 3, 6 eta 13 (Kontxako estropadak)

Honi buruzko informazio eguneratua Hondalearen webgunean egongo da eskuragarri.

Bisita gidatuak

Uztaila eta abuztuan zehar, bisita gidatuak ere eskainiko dira eta, hauetarako bai, txanda aurrez hartu beharko da. Uztailaren 1ean hasi eta abuztuaren 31ra arte, bisita gidatuak egongo dira:

• ostiraletan (euskaraz)
• larunbatetan (gaztelaniaz)
• igandeetan (gaztelaniaz)

Horietako egun bakoitzean, bisita bakarra. 11:00etan kaitik aterata, 2 ordu iraungo  du eta prezioa 26 eurokoa (BEZa salbuetsita) izango da. Bisitarako gutxienez 8 laguneko taldea osatu beharko da eta gehienera 20 pertsonarentzat izango da tokia. 

Erreserbak egiteko: 943 129 358 / hondalea@donostia.eus
Zentralitaren ordutegia: 10:00-13:30 eta 15:30-17:00 ekainetik iraila bukatu bitarte

Eskolak eta gizarte eta kultur taldeak

Dagoeneko martxan da talde hauentzako eskaintza berezia. Maiatzaren 11tik ekainaren 30era eta irailaren 14tik urriaren 30era, eskola taldeek eta gizarte eta kultur taldeek aukera izango dute Hondalea bisitatzeko. Goizez eta arratsaldez izango dira, eta jardueraren araberako iraupenekoak.

Jarduera guztien inguruko informazioa www.cristinaenea.eus webgunean. Erreserba hauek zuzenean Cristina Enea Fundazioaren Hezkuntza zentralitan egin behar dira: 943483500 (luz. 9719) edo cristinaeneabisitak@donostia.eus.

Irlara joateko

Norbere kasa joaterik ez duenak, irlarako joan-etorria motoraz egin lezake. Motorako tiketak erosi egin behar dira zerbitzu hori ematen duen enpresak kaian duen leihatilan. Motoraren zerbitzua baldintza meteorologikoen eta itsasoaren egoeraren mende egongo da.

Zerbitzuari buruzko informazio eguneratua: 943 000 450 telefonora deituta edo motoraren webgunean

Hondalea

Cristina Iglesias (Donostia, 1956) artistak Donostiako Santa Klara uhartean egindako lana da Hondalea. 2021ean zabaldu zituen ateak. Hustutako itsasargiaren etxearen barruan induskatuta, Iglesiasen lanak euskal kostaldeko geologia eta ekologia berezia, eta uhartea inguratzen duten ozeanoko uren kemena biltzen ditu. 

Instalazioari buruzko informazio gehiago: www.hondalea.eus