Donostiako Udalak hiriko haur-parkeak hobetzeko apustua indartzen jarraitzen du, 445.000 euro inguruko inbertsioa eginez, auzo desberdinetan banatutako 15 jolas-eremutan esku hartzearren.

2026rako aurreikusitako inbertsioei dagozkien lanak irailaren hasieran hasi ziren. Hiru jarduera-ildotan egituratuta daude:

• zoladuren segurtasuna hobetzea
• haur-parkeak osorik berritzea 
• segurtasun-zoruak ordeztea
• jolaserako elementuak hobetzea

Hiri Mantentze eta Zerbitzuetako zinegotzi Iñigo García Villanuevak nabarmendu duenez, "haur-parkeak egunero ehunka haurrek eta haien familiek erabiltzen dituzten tokiak dira, eta, horregatik, ahalik eta baldintza onenetan egotea nahi dugu, bai segurtasunaren ikuspegitik, bai instalazioen kalitatearen ikuspegitik".