​​​​​​Donostiako Udalak 1813ko abuztuaren 31ko hiriaren eraso eta erreketa tragikoa oroitzeko ekitaldien programa ofiziala aurkeztu du eta Ana López Kultura zinegotziak hurrengoa adierazi du: “Donostiak aurten ere hitzordu berezi eta hunkigarria izango duela 1813ko abuztuaren 31ko sarraskia gogoratzeko, hain zuzen ere, gure hiriaren historiari eta memoriari lotutako hitzordua”.

Lopezek, halaber, honakoa esan du: “Bi mende baino gehiago igaro dira, baina gertatutakoak gure memoria kolektiboaren parte izaten jarraitzen du. Horregatik, abuztuaren 31n, Donostiak gertakari haiek bizi eta pairatu zituzten emakumeak eta gizonak gogoratzen ditu”.

Ana Lopez Kultura zinegotziarekin batera, aurkezpenean parte hartu dute, Donostia 31 Kultur Taldeko Jose Maria Leclercq-ek, arratsaldeko danborradako Danbor Nagusi Jon Manterolak, eta gaueko zuzien argitan paseo zeremonialean parte hartuko duen Easo Abesbatzako zuzendari artistiko Gorka Mirandak. 

Oroitzapen ekitaldiak

Ekitaldi nagusiak abuztuaren 31n, astelehenean, egingo dira. Goizean, hiria hartu eta suntsitu zutenean hil zirenak omentzeko meza egigo da, eta hortik aurrera hainbat ekitaldi izango dira gauean erreketa tragikoa antzeztu aurretik:

• 11:30    Elizkizun Nagusia San Bizente elizan.
• 13:00    Lore eskaintza Itxas atean (Portaletas). 
• 17:00    Patiñako elkarteak Koruko Ama Birjinaren plazatik Zuloaga plazaraino hurbilduko dira.
• 17:00    Kursaalaren eta Begiratokiko Bateriaren arteko kanoi-hotsa. 
• 18:00    Donostia 31 Kultur Taldearen aitzortza Save the Children erakundeari eta Urteurreneko desfilearen irteera Zuloaga plazatik.
• 19:00    Biktimen oroimenezko minutu bateko isilunea Bulebarreko kioskoan eta hiriaren setioaren hasiera.
• 21:00    Gazteluaren erasoa eta Donostiaren erreketaren antzezpena Zuloaga plazan.
• 21:30    Hiriaren sutearen simulazioa Apaizen pasealekuan eta Begiratokiko Baterian.
  • Kanpai hotsak hiriko eliza desberdinetan eta Abuztuaren 31 kalean argien itzaltzea eta kandelen piztuera.  
  • Zuzien argitan paseo zeremoniala San Bizente elizatik Santa Maria basilikaraino. 

Trafiko eraginak

• Abuztuaren 31n, astelehenean, Boulevarda moztu egongo da 18:30etik 20:00etara gutxi gorabehera. Honek eragina iznago du Dbuseko zerbitzuetan.
• Pasealeku Berria itxita egongo da: abuztuaren 29an, goizeko 08:00etatik aurrera, itxita egongo da ibilgailuentzat, Argazkilarien elkartetik aurrera, irailaren 6a arte. Baimendutako ibilgailuak bakarrik igaro ahal izango dira.

Ospakizunaren inguruko kultur jarduerak

Abuztuaren 31ko egitarauaz gain, aurreko egunetan gertaera historiko honekin zerikusia duten hainbat kultur ekintza egingo dira. Horrela, abuztuaren 24tik 29ra erakusketa irekia egingo da San Jeronimoko hitzaldi aretoan (Liburutegi Nagusia) 12:00etatik 14:00etara eta 16:00etatik 19:00etara.

Bertan, 1813 erre aurretik hiria nola konfiguratu zuten azaltzen duten panelak, garai hartako jatorrizko gutunak eta dokumentazioa, erre aurreko eta ondorengo hiriko bideoak, eta orain arte erakutsi gabeko plano zaharrak eta 1813ko gerraren inguruan egindako partitura ikusi ahal izango dira.

Era berean, abuztuaren 27tik 29ra, hiru hitzaldi egingo dira areto horretan bertan. Hitzaldiak 19:00etan hasiko dira eta XVIII. mendearen amaierako eta XIX. mendearen hasierako Donostiara eta 1813ko abuztuaren 31rekin lotutako gertakarietara hainbat ikuspegietatik hurbiltzeko aukera emango dute. 

Omenaldia

Gertaera historiko honen biktimak gogoratzeaz gain, egunean zehar euren egunerokotasunean hirian arrastoa utzi duten eragile eta pertsonen lana eta oroimena omenduko dira.

Horrela, arratsaldean egingo diren ekitaldietan, aurten Donostia 31 Kultur Taldeak, desfilea hasi aurretik, Save The Children erakundea omenduko du, egiten duten lan humanitarioa aitortzeko.

Deskargatu dossierra >